VOV4.K’ho- Pơn jat tai ròt ală broă lơh geh Pơrjum kuang bàng dờng mpồl ASEAN dơ̆ 38 mờ 39, tàm mho ngai 26/10, Thủ tướng Chính phủ ồng Phạm Minh Chính tus bal pơrjum kuang bàng dờng màng mpồl ASEAN mờ lơgar Hàn Quốc. Đơs tàm pơrjum, Thủ tướng Chính phủ Phạm Minh Chính đơs nền, rlau 30 nam do, git gơp đah ASEAN mờ Hàn Quốc neh bơtàu tơnguh pràn kơldang, lơh geh uă cồng nha kuơmàng, ngan ngồn, tă pơgồp uă ngan tàm ring lơngai, lơngap lơngai mờ bơtàu tơnguh pas sơm tàm tiah do.

Việt Nam jờng rơ mờ kờñ Hàn Quốc lam lơh Broă lơh “wèt hờ tiah đah jum pa bơtàu tơnguh”, chồl pràn lơh broă bal tàm tiah do tài ală jơnau kờñ wèt tus làng bol, ring lơngai mờ pas sơm; dipal mờ 3 tơngume tờm lơh broă bal bơh mpồl bơtiàn ASEAN dê. Thủ tướng Phạm Minh Chính kờñ mờ sồr pơrjum do ring bal jơnau yal bơr bal bè sơlơ tơnguh lơh broă bal đah mpồl ASEAN mờ lơgar Hàn Quốc.

Cau mblàng K’Duẩn