VOV4.K’ho- Ngai òr (19/07), tơnơ̆ mờ tŭ lơh broă mờ ƀòn dờng Hà Nội, Thủ tướng ồng Phạm Minh Chính neh đơng lam dơ̆ pơrjum mhar bơh Chính phủ mờ Mpồl đơng lam Dà lơgar rơcang sơndră mờ kòp Covid-19 nàng iăt jơnau yal bè bơta kòp, tàm tơngu me hơ̆ sền wơl mờ tơlĭk kơrnoăt ală broă lơh pràn rơlao tềng đăp mờ ală bơta kal ke tŭ do.

             Thủ tướng pơrjum mhar mờ mpồl đơng lam dà lơgar rơcang sơndră mờ kòp Covid-19

Pờ sơnrờp dơ̆ pơrjum, Thủ tướng ồng Phạm Minh Chính sồr ală jơnau cri bơyai pal đơs song tàm ală broă lơh mùl màl gơrềng tus mờ broă tam dră mờ kòp tŭ do là: broă đơng lam lam sồr, broă lơh jăt nền nòn lơh glài tàm broă bơyai lơh jăt; sền wơl mpồl lơh broă, y bác sĩ, điều dưỡng, cau lơh broă kỹ thuật, phan lơh broă, sinh phẩm lơh sơnơm; broă ai phan lơh broă, gàr niam phan sa, phan ngui geh kuơ ai làng bol in; broă gùng lòt, pơn diang phan kă bro; lơh jăt broă lơh rài kis lơh broă sa mpồl bơtiàn, tàm hơ̆ uă ngan là mờ cau roh broă lơh, cau gơtìp kal ke bè priă jền pal geh bơsong bè lơi?... Bơh tŭ hơ̆, nàng ring bal mờ ai geh ală broă lơh geh cồng nha rơlao, mùl màl rơlao tàm bơta jal mhar tŭ do.

Cau mblàng Ndong Brawl