VOV4.K’ho- Drim òr (26/05), Thủ tướng Chính phủ ồng Phạm Minh Chính lơh broă tàm internet mờ càr Bắc Giang bal mờ càr Bắc Ninh nàng ai geh ală broă lơh mhar tềng đăp mờ bơta kal ke bơh kòp Covid-19 tŭ khà cau gơtìp mờ kòp pơn jăt tai gơguh uă, khà gơtờp mhar.

Tàm pơrjum, Thủ tướng Chính phủ ồng Phạm Minh Chính sồr ala măt kuang đơng lam ală càr Bắc Giang mờ Bắc Ninh bal mờ ală Bộ, gah lơh broă gơrềng bal, yal, sền gĭt bè bơta kòp kung bè geh jơnau pơgồp bal tàm ală broă lơh pơn jăt tai nàng mhar kơrian kòp gơtờp tàm bàr càr do.

Jăt ală Bộ, gah lơh broă dà lơgar, ală càr, ƀòn dờng đơs, broă lơh geh cồng nha ngan tŭ do là lơh kloh tiah lơh sa mờ măi mŏk, lơh kloh công nhân mờ ală broă sền gròi ngui xét nghiệm kháng nguyên mhar, sền gròi 3 ngai dùl dơ̆ mờ tiah lơh sa mờ măi mŏk, rơwah ai cau F0 lĭk bơdìh tiah gơtìp kòp gờñ ngan, ơm mơ broă ntrờn công nhân bơh ală hìu măi bal. Pờ ơnàng broă tam cah ngài mpồl bơtiàn tàm gùt càr, sền gròi nền nòn tàm ală tiah tam cah ngài lơh sơnơm, bañ lời gơtờp kòp tàm bơrlŭ bal tàm mpồl bơtiàn.

Cau mblàng Ndong Brawl