VOV4.K’ho- Drim ngai 4/7, ồng Phạm Minh Chính- Thủ tướng Chính phủ đơng lam pơrjum pờ tơlik tơn tàm internet mờ Kuang đơng lam bồ ală Bộ, gah sơnah lơh broă, Kuang đơng lam ƀồ dờng Hồ Chí Minh, càr Bình Dương, Đồng Nai, Bình Phước, Tây Ninh, Bà Rịa – Vũng Tàu, Long An, Tiền Giang bè broă lơh rcang sơndră kòp Covid-19.

Thủ tướng ồng Phạm Minh Chính đơs tàm dơ̆ pơn dŭt pơrjum

Đơs pơn dŭt pơrjum, ồng Phạm Minh Chính- Thủ tướng Chính phủ sồr: sơlơ bòl glar, kal ke den pal sơlơ tam klăc ƀal dùl nùs bal ngan, iăt, kơno jơnau đơs, đơs tam pà bal, iăt, kơno, lơh sir, geh ală gùng dà broă lơh di pal ngan mờ bơta geh ngan bơh ală tiah, mpồl lơh broă dê. Pal sùm sền gĭt, ƀòn dờng Hồ Chí Minh, Hà Nội pal ai lài ngan khà 1 bè chính trị, lơh sa- mpồl bơtiàn, sền gàr lơngap lơngai, sền gàr dà lơgar mờ là 2 tiah lơh sa tờm bơh gùt lơgar dê. Thủ tướng đơs, tơngai tus, kòp digơlan gơlik geh kal ke rlau tai, kờñ pal pơn jat tai jơh nùs lơh jat “jơnau kờñ dơ̆ lĕ bal” mơya lài ngan, tơrgùm kơryan kòp tàm nùs nhơm sùm “sền gŏ gờñ, căng tiah kơryan kòp, ai ơm yah ngài mhar, kơryan kòp lơh ngan geh cồng nha, sơr băc mhar bè ờs wơl ală bơta”.

Cau mblàng K’Hạnh