VOV4.K’ho-Thủ tướng Chính phủ ồng Nguyễn Xuân Phúc pa geh sră hòi jà sơm bat tê bal lơh broă tài dùl “Việt Nam mờ tiah ơm kis kloh niam, ờ do ờ dă mờ bơtàu tơnguh kơ\ kơl jap, bơsong broă bơ\ bơl tiah ơm kis tài bơh phan tuh sồ tiă đùh lơh gơlik”.

Tàm sră pơyoa bơh Thủ tướng dê đơs loh, tu\ do sồ siă đùh tuh bơdìh là broă kơlôi jê nùs jê tồr ngan tàm gùt lơgar, pah nam khà sồ siă đùh bơh kòn bơnus dê tuh pah ngai tơl nàng glòm jơh bă tiah tàm làm Plai ù dê. Sồ siă đùh tuh bơdìh gam pah ngai, pah jiơ gơ rềng ờ niam tus brê bơnơm dà ia, tiah ơm kis, pràn kơl dang să jan kòn bơnus mờ bơta kơ\ kơl jap bơh tơl lơgar dê. Dilah bol he ờ geh broă lơh geh cồng nha, di tu\, den ală bơta gơ rềng bơh sồ siă đùh geh gơ gơs kơn jơ\ kơn ju\t ngan.

Thủ tướng hòi jà tơl nă làng bol Việt Nam pal sơm bat tê bal lơh broă bơsong sồ siă đùh tuh bơdìh, tài dùl Việt Nam mờ tiah ơm kis kloh niam, ờ do ờ dă mờ bơtàu tơnguh kơ\ kơl jap, pơgồp bơnah bal mờ mpồl bơtìan dunia, bơsong broă bơ\ bơl tiah ơm kis tài bơh sồ siă đùh lơh gơlik.

Cau mblàng K’ Hạnh