VOV4.K’ho- Thủ tướng nting săp kơ\p kờ` làng bol, kuang bàng, ală cau duh broă yàng Phờk mờ cau Khmer ơm kis tàm lơgar ndai wa\ rò sa tềp bơhiàn yau Chol Chnam Thmay chờ hờp, gơboh gơbài mờ ram mhu\.

Di dơ\ sa tềp bơhiàn Chol Chnam Thmay nam 2019, ngai 2/4, ồng Nguyễn Xuân Phúc Thủ tướng Chính phủ neh pơyua sră nting săp chờ gờm sa tềp tus mờ làng bol, kuang bàng, ală cau duh broă yàng Phờk mờ cau Khmer ơm kis tàm lơgar ndai. Thủ tướng cih:

Kờ` gơboh rềp mềl ngan dan pơyua: Làng bol, kuang bàng, ală cau duh broă yàng Phờk mờ cau Khmer ơm kis tàm lơgar ndai!

            Di dơ\ sa tềp bơhiàn yau Chol Chnam Thmay nam 2019, ala mat kuang đơng lam bồ Đảng, Dà lơgar, a` kờ` gơboh rềp mềl ngan dan pơyua tus làng bol, kuang bàng, ală cau duh broă yàng Phờk mờ cau Khmer ơm kis tàm lơgar ndai jơnau còp să đềt mềr mờ jơnau nting săp chờ gờm niam bơne\ ngan rlau jơh.

            Tàm ală nam do, mờ bơta tam klac bal, ring bal, tơrgùm bal pràn, dùl nùs dùl tồr bal bơh jơh gùt Đảng, gùt làng bol mờ gùt ling klàng dê, dà lơgar he neh lơh geh uă cồng nha kuơmàng ngan, tơl làm tàm jơh ală gah broă lơh; rài kis làng bol geh tam gơl loh làng ngan, mpồl tam klac dờng jơi bơtiàn geh sơlơ kơ\ kơl jăp. Tàm cồng nha bơtàu tơnguh bơh gùt lơgar dê, geh bơta lơh ngan pơđơl pràn, tă pơgồp dờng ơnàng ngan bơh làng bol, kuang bàng, ală cau duh broă yàng Phờk kòn cau Khmer dê.

            Nam 2019 là nam bol he tơngkah kir sơnrai 50 nam lơh jat Jơnau nting bơr dờng màng ngan bơh Chủ tịch Hồ Chí Minh kờ` gơboh dê. A` kơ\p kờ` làng bol, kuang bàng, ală cau duh broă yàng Phờk mờ cau Khmer ơm kis tàm lơgar ndai pơn jat tai tam klac, lơh ngan lơh geh uă cồng nha dờng rlau tai tàm bơtàu tơnguh lơh sa- mpồl bơtiàn, tơrmù r[ah kơ\ kơl jăp, sền gàr mờ ngui niam ală bơhiàn niam chài bơh yau; bal mờ gùt lơgar tàm sơm băt tê bal bơ\t bơtàu [òn lơgar, dà lơgar Việt Nam ngai sơlơ pas sơm niam bơne\; jơh tơl nă cau, jơh tơl hìu ndrờm geh rài kis hờm ram, lơngăp lơngai chờ hờp bè jơnau nting bơr bơh Bác Hồ dê tàm sră cih Jơnau nting bơr lời wơl kah yau do.

            A` dan nting săp làng bol, kuang bàng, ală cau duh broă yàng Phờk mờ cau Khmer ơm kis tàm lơgar ndai wa\ rò sa tềp bơhiàn yau Chol Chnam Thmay nam 2019 chờ hờp ngan, gơboh gơbài ngan mờ ram mhu\ ngan!

Cau mblàng Lơ Mu K’Yến