VOV4.K’ho- Thủ tướng Chính phủ ồng Phạm Minh Chính pa pơyua sră pơn jờng, jờng rơ mờ đơs niam ngan ală tă pơgồp, bơta phi să bơh mpồl lam lài rơcang sơndră kòp Covid-19 dê. Ală tă pơgồp hơ̆ neh lơh gơlik rùp să niam ngan, lơh gơ rề uă tàm broă lơh rơcang sơndră kòp bơtờp. Đảng, dà lơgar sền dờng màng, jờng rơ mờ đơs niam ngan ală tă pơgồp bơh mpồl lam lài sơndră kòp dê, ngan là mpồl kuang bàng lơh sơnơm.

Tơngai tus, kòp gam gơlik geh kal ke, ờ gơtùi git lài. Bol he đal git do geh là dơ̆ tam dră gam jŏ jòng, gam uă kal ke. Thủ tướng kơp kờñ ală mpồl pơn jat tai ai tơnggŏ nùs nhơm lơh ngan nàng drơng làng bol in. Bol he geh bơta pin dờn, bơta kơ̆ dơn mờ nùs nhơm lơh ngan uă rlau, lơh ngan dờng rlau, lam lơh jơh nùs rlau mờ uă broă lơh dùl ròt, bơta ring bal dùl nùs bơh làng bol dê, ngan là bol he geh jai pha.

Cau mblàng K’Duẩn