VOV4.K’ho- Tàm 9h30 drim òr jat jiơ tiah do dê, hơ\ là 1h30 mho òr jat jiơ Việt Nam, tàm Phủ Thủ tướng tàm càr lơgar Bucharest, Thủ tướng Romania mò Viorica Dancila đơng lam kuơ màng Thủ tướng Nguyễn Xuân Phúc lòt còp ngan ngồn lơgar Romania.

Tơnơ\ dơ\ wă, Thủ tướng Nguyễn Xuân Phúc mờ Thủ tướng Romania  lam bồ mpồl kuang bàng dờng màng 2 lơgar bơyai lơh tìp mat cribơyai. Bal mờ ring bal uă broă lơh sơlơ tơnguh lơh broă bal đah 2 lơgar, Thủ tướng Romania pà g^t, mờ gơnoar broă là Chủ tịch tàm pơ dar EU nggùl bồ nam 2019, Romania geh sơlơ tơnguh EU ring bal Hiệp định Kă bro khat gơboh Việt Nam mờ EU (đơs lơyah là EVFTA) tàm tơngai gờ` ngan lau jơh.

Bàr Thủ tướng neh cribơyai bè ală broă lơh nàng kờ` sơlơ tơnguh lơh broă đah 2 lơgar gam uă bơta pràn tàm jơh bal ală gah chính trị, lơh broă mờ lơgar ndai, sền gàr lơngap lơngai, lơh sa, kă bro, bơcri priă, bơto bơtê, lơh broă, niam chài rơgơi, lơh sa suơn sre, lơh gơlik phan sa.

Tơnơ\ dơ\\ tìp mat cribơyai broă, Thủ tướng Nguyễn Xuân Phúc mờ Thủ tướng Viorica Dancila neh sền go\ dơ\ ki\ Sră cih kah bè lơh broă bal tàm gah lơh sa suơn sre, gah lơh sơnơm, phan ròng mờ kloh niam ờ do ờ dă phan sa đah Bộ Nông nghiệp mờ Phát triển Nông thôn Việt Nam mờ Bộ Nông nghiệp mờ Phát triển Nông thôn Ru-ma-ni, Anih lơh broă dà lơgar bè kloh niam ờ do ờ dă phan sa, kloh niam phan ròng Romania.

Cau mblàng K’ Hạnh