VOV4.K’ho - Drim òr (25/3), tàm Hà Nội, Bộ kuang àng bơyai lơh pơrjum tơn jơh ing broă lơh 3 nhai bồ nam 2019; tơn jơh dơ\ sò tơm kơrian cau tìs mờ sền wơl cồng nha lơh jăt Nghị định bơh Chính phủ ai bè gơnoar, kơnòl bal mờ broă bơyai lơh bơph Bộ kuang àng mờ broă lơh jăt adăt boh lam tàm broă lùp khào, lơh glài cau tìs.

Đơs tàm dơ\ đơng lam pơrjum, Thủ tướng Nguyễn Xuân Phúc pơn jờng, đơs niam ală broă lơh ngan mờ ală cồng nha bơh mpồl kuang bàng neh lơh geh, pơgồp bal tàm broă sền gàr niam bơta lơngăp lơngai chính trị, ờ do ờ dă mpồl bơtiàn mờ rài kis lơngăp lơngai làng bol dê, tàm hơ\ uă ngan là gàr niam ờ do ờ dă pơrjum kuang bàng dờng màng lơgar Mỹ mờ lơgar Triều Tiên dơ\ 2, pơgồp bal tàm broă tơnguh niam rùp rài dà lơgar Việt Nam.

Thủ tướng đơs tòm, cồng nha do neh ai go\ broă rơndăp săp sèng broă lơh jăt broă bơyai lơh pa bơh Bộ kuang àng là di pal mờ broă kờ` tàm mùl màl, lài ngan lơh geh cồng nha niam.

Tàm nùs nhơm hơ\, Thủ tướng sồr, mpồl kuang àng mhar lơh gơs, tơl^k khà broă, broă lơh ai kuang bàng di pal mờ tơl cấp. bơ\t bơtàu groăt, khà broă lơh, lơh jăt broă tơmù biên chế, lơh niam wơl mpồl kuang àng jăt gùng dà “Bộ ngăc ngar, càr pràn kơl dang, kơnhoàl tơl ală bơta, xã đềt mềr mờ [òn lơgar”.

Cau mblàng Ndong Brawl