VOV4.K’ho - Mho òr (31/10), tàm lơgar Anh, Thủ tướng Chính phủ ồng Phạm Minh Chính neh tus, sền dơ̆ kĭ, jào 26 jơnau ring bal lơh broă bal tàm ală gah đah lơgar Việt Nam mờ ală gah lơh broă bal tàm lơgar Anh.

               Thủ tướng sền broă kĭ 26 jơnau ring bal lơh broă bal đah lơgar Việt Nam mờ lơgar Anh

Tàm khà 25 jơnau ring bal geh kĭ, jào, geh uă jơnau ring bal, broă lơh bal kuơ màng geh ală bộ, gah lơh broă dà lơgar hơ hơ bal, dờp bè: Sră nggal kờñ tus bal bơceh lơh Mpồl tam klăc tơmù tơlik siồ siă bơh broă tơnguh priă jền tam brê; Jơnau ring bal Lơh broă bal Bơ̆t bơtàu Rơndăp broă lơh nàng tơnguh broă pơgồp bal mờ hìu bơsram Đại học đah bàr lơgar; Sră nggal kah bal bè Tơnguh broă lơh bal tàm broă bơto bơtê mờ bơsram bơh broă tam gơl broă mờng chài mờ ală gah broă lơh jŏ jòng; Jơnau ring bal Lơh broă bal lơh ală broă bơto bơtê cau lơh broă ai Bộ Kế hoạch mờ Đầu tư bal mờ dong kờl ală Mpồl lơh sa kă bro mŭt lơh broă ai lơgar Việt Nam in; Jơnau ring bal Lơh broă bal tam jào công nghệ bè atbồ ù tiah mờ bơto cau lơh broă gơrềng bal. Di tàm dơ̆ do, gah rơndeh par Vietjet lơgar Việt Nam mờ Tập đoàn Rolls-Royce lơgar Anh neh kĭ jơnau ring bal ai động cơ mờ broă lơh drơng ala động cơ ai mpồl rơndeh par să ơnàng in mờ kờp jơh geh 400 tơlăk dôlar Mỹ.

Cai mblàng Ndong Brawl