VOV4.K’ho- Văn phòng Chính phủ pa pơyoa sră nggal bè broă ai mpồl cau lơh sơnơm rcang sơndră kòp Covid-19 tus Bộ trưởng Bộ Y tế, Chủ tịch UBND càr, ƀòn dờng gơwèt dà lơgar. Jat hơ̆, tềng đap bơta kòp Covid-19 pơn jat gơlik geh kal ke, sồr pal ai tai di tŭ mpồl cau sơndră kòp, ngan là bác sĩ, điều dưỡng sơm kòp, sơm kòp mờ sền gròi jơh nùs ai ală tiah geh khà cau bơtờp kòp uă ngan tàm tiah đah Jum dà lơgar in.

Thủ tướng Chính phủ ồng Phạm Minh Chính pơn jờng ală mpồl lơh broă rcang sơndră kòp

Thủ tướng sồr: Bộ trưởng Bộ Y tế rcang lài, jal mhar rlau tai tàm broă đơng lam bơyai pơlam tàp, tơnguh uă bơta pràn sơm kòp, sơm kòp mờ sền gròi jơh nùs ai cau kòp Covid-19 tàm gùt lơgar in; jat tàm jơnau sồr mờ bơta pràn di pal bal tàm gùt lơgar, lam lơh tơn gùng dà broă lơh sồr, ai mpồl cau dong kờl di tŭ ai ală tiah gam geh uă cau bơtờp kòp mờ kòp kơn jơ̆ in. Chủ tịch UBND ală càr, ƀòn dờng gơwèt dà lơgar sồr, ai tơl bơta ƀuơn ngan nàng ală hìu sơnơm ală tiah in tơnguh uă bơta pràn jak, tus bal tàm mpồl ai tai cau lòt jat jơnau sồr bơh Bộ trưởng Bộ Y tế dê.

Cau mblàng K’Hạnh