VOV4.K’ho- Tơnơ\ tu\ tus bal ală dơ\ pơrjum tàm Đà Nẵng, mho òr 7/11, Thủ tướng Nguyễn Xuân Phúc neh tus [òn dờng Hội An, càr Quảng Nam să tờm lòt tus tơn tàm ală gơl gùng drà ngơr bam dà uă tài bơh dà ko\ dà tih, nàng lòt sền broă gơlời wơl tơnơ\ dơ\ mìu càl rbu\t dờng sồ 12 mờ sồr bơsong jơnau gơlời wơl.

Lơh broă mờ kuang đơng lam bồ càr Quảng Nam mờ [òn dờng Hội An, Thủ tướng tơngkah, ală tiah do kờ` pal sền gròi, kơrhia mờ đơng lam hòi jà jơh ală mpồl cau, ngan là kuang àng, mpồl ling, ơruh pơnu, rơcang lài bơsong jơnau gơlời wơl tài bơh dà ko\ dà tih lơh aniai. Nùs nhơm là dà gơ hoài soăt tus tiah lơi den pal lơh kloh niam tiah ơm kis tus tàm tiah hơ\, lài ngan là lơh niam wơl bơta aniai tàm ală hìu bơsram nàng kơnòm bơsram in gờ` wơl lòt bơsram.

Kuơmàng, Thủ tướng sồr kuang đơng lam bồ tiah do sền gròi dong kờl ală hìu bơnhă gơtìp aniai hoàc hươr tơnơ\ dơ\ dà ko\ dà tih, dong kờl làng bol sơrlèt gan kal ke. Thủ tướng kung sồr kuang đơng lam bồ [òn dờng Hội An gờ` bơsong ală jơnau gơlời wơl tơnơ\ dơ\ mìu nhàc dà ko\ dà tih lơh aniai nàng Hội An gơ gơs wơl là tiah tus bơh ală năc lòt nhơl dunia dê di dơ\ bơyai lơh Poh bơyai lơh pơrjum kuang bàng dờng màng APEC.

Cau cih mờ yal tơngi\t- Lơ Mu K’Yến