VOV4.K’ho- Mho òr (22/03), tàm hìu lơh broă Chính phủ, Mpồl duh broă pơrlòng pơn jờng Dà lơgar neh bơyai lơh dơ̆ pơrjum jăt tơngai tềng đăp mờ broă đơng lam bơh Thủ tướng ồng Nguyễn Xuân Phúc, Chủ tịch Mpồl duh broă.

                                   Thủ tướng ồng Nguyễn Xuân Phúc geh jơnau đơs tàm pơrjum

Đơs tàm pơrjum, Thủ tướng ồng Nguyễn Xuân Phúc neh đơs, tàm bơta nam pa do dà lơgar gơtìp uă kal ke, broă pơrlòng pơn jờng neh geh tam gơl pa, bơceh lơh, di pal mờ kơnòl geh jào. Tàm tơngai tus, Thủ tướng sồr bơyai lơh lam sồr pơrlòng pơn jờng mùl màl, geh cồng nha, di pal mờ tơngu me gùng dà broă geh ai, jơnau đơng lam bơh Tổng Bí thư, Chủ tịch lơgar mờ 5 tơngu me pơrlòng geh Thủ tướng Chính phủ lam sồr tàm pơrjum dờng Pơrlòng kờñ gơboh mờ dà lơgar gùt lơgar dơ̆ 10.

Thủ tướng kung sồr chồl pràn broă lam sồr, lơh uă ală broă pơrlòng mùl màl, geh cồng nha, ală broă lơh, broă gơguh jăk, cau niam, broă niam. Lơh broă pơn jờng pal di mờ kơrnoăt geh ai, di tŭ, loh làng. Pơrlòng pơn jờng pal wèt tus tàm ală kơnă hờ đơm.

Cau mblàng Ndong Brawl