VOV4.K’ho-Tàm poh lài, ồng Nguyễn Xuân Phúc, Thủ tướng Chính phủ mơkung là Kuang atbồ Tiểu Ban Lơh sa- mpồl bơtiàn rơcang Pơrjum dơ\ 13 bơh Đảng dê neh đơng lam pơrjum Thường trực Chính phủ bơyai bè bàr pe broă lơh bơh Tiểu Ban dê.

Ồng Nguyễn Xuân Phúc, Thủ tướng Chính phủ kuơmàng tơngkah bè gùng dà broă lơh bơ\t bơtàu tơngume nàng ală broă lơh kuơmàng mờ broă rơndăp lơh bơtàu tơnguh lơh sa- mpồl bơtìan geh bơta niam ngan rlau jơh, gơcèng bơta cribơyai tàm sră nggal, mờ lơh jat di mờ bơta geh ngan, mơkung pal cribơyai nàng jòi bơta pràn chồl gơguh lơh sa pa ai dà lơgar in.

Kơnòl broă kuơmàng bơh Tiểu Ban Lơh sa- Mpồl bơtiàn dê là lơh 2 sră nggal: Broă lơh kuơmàng bơtàu tơnguh lơh sa- mpồl bơtiàn 10 nam bơh nam 2021- 2030 mờ Broă rơndăp lơh bơtàu tơnguh lơh sa- mpồl bơtiàn 5 nam bơh nam 2021- 2025 nàng drơng Pơrjum dờng Đảng gùt lơgar dơ\ 13.

Jat mờ hơ\, Thủ tướng sồr ală kuang bàng tàm Tiểu Ban ring bal ală kơnòl broă kờ` pal lơh bal mờ tu\ tơngai loh làng. Jat tàm jơnau đơs tă pơgồp bơh ală kuang bàng Thường trực Chính phủ dê, ồng Nguyễn Xuân Phúc, Thủ tướng Chính phủ sồr.

Dơ\ pơrjum ngai do bol he sền bal ring bal rơndăp cih broă lơh broă rơndăp lơh mờ tu\ tơngai lơh jat, bơh nhai 1/2019 tus nhai 3/2021. Tàm hơ\, a` đơs sùm 2 bơta kuơmàng ngan là jun yal tàm Pơrjum dà lơgar 10 in tàm nhai 5/2019 cribơyai ai jơnau đơs nàng lơh gơs tơngume jơnau yal.

Jơnau dơ\ bàr là Pơrjum dà lơgar 11 tàm nhai 10/2019 ring bal Rơndăp cih Jơnau yal jun yal Pơrjum dờng Đảng dơ\ 13 in nàng pơyua Đảng bộ ală kấp in ai jơnau đơs. Dà lơgar geh jơnau sồr bè hơ\ neh loh halà ờ, pa lah ờ, dipal mờ bơta geh ngan lah ờ.

Dùl nùs nhơm, dùl bồ tơngoh, bơta lơh ngan jơh nùs tàm jơnau yal nàng lơh cơng tàng ai cribơyai tàm Đảng bộ [òn lơgar mờ Dà lơgar in, nàng jơi bơtiàn bol he brồ guh, cơnđoà guh pràn kơldang tàm tu\ tơngai pa.

Thủ tướng đơs sùm broă kuơmàng ngan là pal ring bal bè gùng dà broă lơh bơ\t bơtàu ală broă lơh kuơmàng, broă rơndăp lơh nàng ai tơlik ală gùng dà dờng, broă lơh kuơmàng tàm gah broă lơh lơh sa, niam chài, mpồl bơtiàn, tiah ơm kis, sền gàr dà lơgar, lơngăp lơngai, lơh broă mờ lơgar ndai, tàm hơ\ pal kờp du\ lài geh ală bơta gơ tam gơl tàm 5 nam halà 10 nam tus dà lơgar digơlan gơtìp nàng geh broă sơrlèt gan di tu\.

Bulah lơh jat gùng dà broă lơh lơi den kung pal kơlôi sơnơng nền, sồr geh ală tơngume geh bơta kuơ jơh bal tàm sră nggal mờ tàm bơta geh ngan; lam tơrgùm geh bồ tơngoh jak bơh ală mpồl cau, cau dùl nă să is dê, ngan là ală viện, hìu bơsram.

Tềng đap mat, Thủ tướng sồr kơlôi sơnơng tơn ală broă tờm kuơmàng drơng bơ\t bơtàu broă lơh kuơmàng 10 nam mờ broă rơndăp lơh 5 nam nàng sồr dan sră lơh mờ jàu kơnòl kơlôi sơnơng tơn bơh lồi nam do.

Tơnơ\ tu\ geh phan bơna geh sră dan lơh den geh jàu tus ală bộ, gah sơnah lơh broă dà lơgar mờ ală tiah in tơrgùm wơl sền swì. Jat tàm ală jơnau yal tơngume is, jơnau đơs tă pơgồp bơh ală kuang bàng tàm mpồl dê, ală sră nggal geh gơrềng, Bộ Kế hoạch mờ Đầu tư, Mpồl sền swì sră nggal bal mờ ală anih lơh broă geh gơrềng sền swì ală jơnau yal mờ tơngume bơh broă lơh kuơmàng 10 nam mờ broă rơndăp lơh 5 nam dê.

Đơs sùm ală kuang bàng tàm Tiểu Ban jơh ală là kuang đơng lam bồ ală bộ, gah sơnah lơh broă dà lơgar lơm, Thủ tướng sồr jàu kơnòl ai ală kuang bàng tàm mpồl in lơh jơnau yal sền swì broă lơh bơh gah lơh broă he dê, kuơmàng là pal đơs geh gùng dà tam gơl pa, broă lơh kuơmàng bơtàu tơnguh gah broă, gah broă lơh he dê atbồ tàm 5 tus 10 nam tus. Do là “jơnau bơh sơnrờp” kuơmàng nàng Tiểu Ban kơlôi sơnơng, sền swì cih ală tơngume.

Bè broă gi\t ală broă tờm kuơmàng nàng “geh sră dan” kơlôi sơnơng, Thủ tướng sồr bàr pe tơngume bè bơtàu tơnguh mhar mờ kơ\ kơl jăp, gơguh lơh sa jơnhoa. Thủ tướng đơs là, pal lơh pràn bơtàu tơnguh mhar rlau tài bơh broă lơh sa lơgar he dê gam lơyah, priă lơh geh kờp bal dùl nă cau ờ go\ gơtùi nàng ai lơh niam nùs ờ tu\ mìng pơgăp 2.500 dolar lơm tàm dùl nam.

Bal mờ hơ\ là pal sền gròi tus bơta gi\t gơ\p đah Dà lơgar mờ drà kă bro, pơn jat tai ai lơh sa drà kă bro bơtàu tơnguh niam bơne\; drà kă bro lơh nền tam pà priă jền nàng lơh geh cồng nha broă lơh sa. Gơnoar broă bơh Dà lơgar dê là lơh pràn bơta bơtàu tơnguh di gùng, ngan là lơh pràn lơh sa pa mờ măy mok, tam gơl pa dà lơgar.

Đơs là bơta sền sơnơng [òn lơgar pa bơh lơgar he dê pal jơnhoa mờ ngài rlau, Thủ tướng bơto pơlam, [òn lơgar pa pal bơtàu tơnguh gơ gơs là tiah drà, ngan là tu\ tiah drà là dùl pràn chồl bơtàu tơnguh.

Thủ tướng kung đơs là, pal sền ngac ală broă bè lơh sa số, gùng dà bơtàu tơnguh jak chài măy mok, gùng dà bơtàu tơnguh bơh dunia dê nàng geh bơta sền sơnơng loh rlau ai ală tơngume mờ pơlam gùng dà bơtàu tơnguh lơh sa- mpồl bơtiàn dà lơgar in.

Bè broă gi\t ală bơta bơtàu tơnguh mhar broă kuơmàng nàng bơtàu tơnguh, bal mờ pe broă bơtàu tơnguh mhar broă lơh kuơmàng tu\ do, Thủ tướng đơs là gơtùi kơlôi sơnơng jơnau sồr ală bơtàu tơnguh mhar broă lơh kuơmàng pa, tàm hơ\ geh bơto pơlam pal đơs nền gơnoar broă bơh jak chài măy mok dê tàm tu\ tơngai số nàng dà lơgar ờ gơtìp ờ bơtàu tơnguh. Mờ tàm bơtàu tơnguh mhar bè gùng dà broă lơh kơrnoat boh lam gam geh lơh kung kờ` pal lơh pràn rlau tai, sang te\ ală gùng dà broă lơh kơrnoat boh lam ờ gam di pal tai, rồn bơklơn.

            Thủ tướng kung tơngkah gùng dà là tiah drơng broă tàm broă lơh sa geh bơtàu tơnguh pràn rlau, ngan là tu\ priă lơh geh bơh làng bol dê uă rlau, jơnau kờ` ală drơng broă uă mờ bơta niam uă rlau. Ngui niam drà kă bro 100 tơlak nă làng bol kung ngan là pơgồp bơnah tơnguh uă nùs nhơm rơcang lài is bơh broă lơh sa dê.

Đơs bè bơta pràn chồl bơtàu tơnguh bơh broă lơh sa dê, ồng Nguyễn Xuân Phúc, Thủ tướng Chính phủ đơs là.

Ală oh mi gam jòi bơta pràn gơguh lơh sa pa tàm Việt Nam. Dùl jơnau lùp ală oh mi geh kờp mat mơya ờ hềt loh tơngume cih tàm hơ\, dơ\ do jun tus Tiểu Ban in nàng cribơyai. Tàm hơ\ geh broă bơtàu tơnguh tiah drà, broă tam gơl pa bơceh pa, mpồl lơh sa kă bro is, lơh broă sa sươn sre. ~chi gơlơh ờ geh jơnau kờ` 50 tơlak nă năc dunia taih? Pal geh bơta pràn gơguh lơh sa bè hơ\.

Nàng bơ\t bơtàu ală broă lơh kuơmàng mờ broă rơndăp lơh dipal mờ bơta geh ngan, Thủ tướng sồr pal mblàng sền swì jrô ơnàng rlau bơta mùl go\ bơh broă lơh sa lơgar he dê tu\ do nàng geh ală gùng dà broă lơh niam rlau, dipal rlau. Tàm hơ\ pal sền ngac tus khà cau lơh broă tàm lơh broă sa sươn sre bal mờ 42% mờ cồng nha lơh broă ờ uă. Den tàng bè hơ\ pal bơtàu tơnguh nàng bơsong broă lơh ai cau lơh broă in.

Bal mờ hơ\, kờ` pal sền ngac ală broă bè drà priă jền lơh sa, ù tiah gam ờ hềt niam; cồng nha lơh broă bơh mpồl lơh sa kă bro Dà lơgar dê ờ hềt di bè jơnau kơ\p kờ`, priă geh gơguh tai mờ cồng nha lơh broă ờ uă; pơn jat tai gơhòi gơ jà bơcri priă geh sac rwah, công nghệ cao rềp mềl mờ tiah ơm kis, priă geh gơguh tai uă mờ lơh pràn lơh bal mpồl lơh sa kă bro tàm lơgar mờ lơgar ndai. Bal mờ hơ\, pal sền swì tu\ tơngai mờ gùng dà tu\ do dùl bă loh làng rlau bè lơh sa, niam chài, bơtàu tơnguh kòn bơnus tàm tu\ tơngai mu\t gơrờm bal gùt plai ù.

Gơ wèt mờ bồ tơngoh kơlôi sơnơng, gùng dà bơtàu tơnguh, Thủ tướng pơlam, pal loh rlau bơta gơrềng đah lơh sa, mpồl bơtiàn mờ tiah ơm kis, bơta gơrềng đah bơtàu tơnguh mhar mờ kơ\ kơl jăp, đah bơtàu tơnguh làm tơl mờ tơrgùm tàm broă tờm kuơmàng; gàr broă lơh sa lơh tờm is, pơđơl pràn is bal mờ gùng dà pờ mpồng broă lơh sa, mu\t gơ rờm bal mờ dunia. Tàm hơ\ pal gi\t geh ală khà kờp nàng là dùl broă lơh sa pơđơl pràn is.

Cau mblàng Lơ Mu K’Yến