VOV4.K’ho- Mho ngai 23/3, tàm hìu lơh broă Chính phủ, ồng Nguyễn Xuân Phúc Thủ tướng Chính phủ neh đơng lam pơrjum mờ Mpồl đơng lam cih mờ lĭp sră Kah yau Chính phủ Việt Nam. Bè ală phan tờm bơh sră Kah yau Chính phủ Việt Nam (sră, rùp mờ lơma), Bộ Nội vụ, Anih lơh rboă sùm bơh Mpồl đơng lam pà gĭt, geh sră tàm hơ̆ geh 4 tăp (tàm hơ̆ geh tăp cih jat tŭ tơngai mờ tăp Kah yau Chính phủ Việt Nam bơh nam 1945 tus 2015) kờp dŭ yal jơnau cih lơh sir tàm nam 2021.

Ồng Nguyễn Xuân Phúc pà gĭt, do là sră cih kah yau kuơ màng, cih pal kơrhia ngan, nền nòn ngan, Anih lơh broă sùm là Bộ Nội vụ, ală kuang bàng geh gơnoar, ală anih lơh broă geh tàm pà bal broă lơh pal lơh nền, gàr tơl bơta niam, di tŭ tơngai, ngan là geh ală dơ̆ cribơyai, bơyai ai jơnau đơs bơh kuang bàng jak chài, cau khoa học, ngan là Kuang bàng Chính phủ bơh ală rài dê. Tơnơ̆ tŭ geh Chính phủ tơngai lơh broă pa, Bộ Nội vụ pal yal tơl làm tơn ai Mpồl đơng lam in bơtơl mờ ala ală Kuang bàng tam pơdờn broă lơh halà neh jơh tơngai lơh broă, pal di mờ kơrnoat lơh broă, bơta jak chài cih sră.

Cau mblàng K’ Hạnh