VOV4.K’ho-Tàm mho ngai 03/6, Thủ tướng Chính phủ mờ ală Kuang bàng Chính phủ neh cribơyai bè rơndap broă lơh lơh gùng rơndeh ntoat rat tơngai bơh nam 2021-2025 mờ pơlam gùng dà tus nam 2030. Gơwèt mờ rơndap broă lơh lơh gùng rơndeh ntoat rat tơngai bơh nam 2021-2025 mờ pơlam gùng dà tus nam 2030, Thủ tướng đơs là, broă bơtàu tơnguh ală gùng ntoat rat, mờ 4 rơbô kơi sồ tàm 10 nam tus là dùl broă lơh kal ke uă ngan, den tàng bè hơ̆ pal hòi jà jơh ală anih lơh broă chính trị mờ gùt làng bol mut lơh bal.

Ồng Phạm Minh Chính Thủ tướng Chính phủ sồr lơh gùng rơndeh ntoat rat pal gàr niam  ring bal bơta geh kuơ mờ sền sơwì bơta gơrềng tơl gah. Nàng lơh jat geh jơnau kờñ, jat Thủ tướng đơs rơndap broă lơh pal lơh 3 broă lơh bơtàu tơnguh, bè: hòi jà  tă pơgồp bal ală priă jền, tàm pà kấp atbồ, mut ngui; broă ai ù tiah mờ phan lơh drơng broă lơh gùng rơndeh ntoat rat. Thủ tướng jàu Bộ Giao thông Vận tải in iăt kơno ală jơnau đơs, jơnau tă pơgồp bal bơh ală bộ, gah sơnah lơh broă, mpồl lơh broă, ală tiah geh gơrềng lơh sir Rơndap broă lơh nàng Chính phủ in yal, dan jơnau đơs bơh Bộ Chính trị mờ Quốc hội dê.

Cau mblàng K’ Hạnh