VOV4.K’ho- Drim òr (04/3), tàm hìu duh broă Chính phủ dê, Thủ tướng ồng Nguyễn Xuân Phúc mờ Phó Thủ tướng ồng Vũ Đức Đam neh iat kuang đơng lam bồ bàr pe bộ, gah lơh broă dà lơgar, ală cau dong pơlam dunia bè broă crơng gơs Tiah tờm tam gơl pa bơceh pa dà lơgar (đơs lơyah là NIC) mờ 5 gah broă lơh ai lơh lài bơh Tiah tờm do dê là Hìu măy ngac ngar, Tơnguh khà, Lơngăp lơngai internet, Tiah drà ngăc ngar, Măy mok tiah ơm kis.

Tiah tờm tam gơl pa bơceh pa dà lơgar là dùl broă lơh kuơmàng tàm Broă lơh lơh jat dơ\ tam gơl bơh bơta yau gơs bơta pa công nghịêp 4.0 tàm lơgar Việt Nam. Do là tiah tờm kơlôi sơnơng ngui măy mok tam gơl pa bơceh pa tàm lơgar Việt Nam, gơtùi tàm pơrlòng mờ ală dà lơgar ndai tàm dunia.

Thủ tướng ồng Nguyễn Xuân Phúc đơs ngan, Chính phủ geh lơh jơh pràn he dê nàng dong kờl Tiah tờm tam gơl pa bơceh pa dà lơgar, tài bơh dilah ờ geh tam gơl pa bơceh pa, jak chài măy mok den ờ geh cồng nha, ờ gơtùi ngui geh tu\ tơngai niam tus mờ Việt Nam.

Cau mblàng Lơ Mu K’Yến