VOV4.K’ho- Tàm dơ̆ pơrjum Chính phủ ờs mờng nhai 11 nam 2021 geh lơh drim ngai 02/12 tàm Hìu duh broă Chính phủ dê, Thủ tướng Chính phủ ồng Phạm Minh Chính sồr gùl nhai 12 do sền bal pal lơh sir broă cĭt vaccine ding dơ̆ 2 ai ală cau bơh 18 sơnam rlau hơđang in, pal tơrgùm cĭt ai kơnòm dềt bơh 12 sơnam rlau hơđang in nàng ai ală oh in lòt bơsram wơl hờ hìu bơsram dùl bă bè ờs mờ geh broă rơndăp lơh loh làng nàng lam cĭt ding dơ̆ 03.

Đơs pơndŭt dơ̆ pơrjum, Thủ tướng Chính phủ ồng Phạm Minh Chính đơs loh, kòp bơtờp tus tŭ do sền bal geh gròi sền tàm làm gùt lơgar, bơh sơnrờp lơh geh jơnau kờñ neh ai tơlik, lơh geh bơta pin dờn mờ bơta gơdan ai làng bol, mpồl lơh sa kă bro in bơtàu tơnguh wơl lơh sa. Bè kơnòl broă tàm tơngai tus, Thủ tướng sồr ală ƀộ, gah, ală tiah pơn jăt tai gĭt nền, yal lài di broă gơlik geh, ngan là bè kòp Covid-19; kơ̆ nùs lơh jăt “gơdờp bal ờdo ờdă, ngăc ngar, gròi sền geh cồng nha kòp Covid-19” jăt Kơrnoăt 128 bơh Chính phủ dê.

Cau mblàng Lơ Mu K’Yến