VOV4.K’ho- Tàm mho òr 3/10, tàm Hìu duh broă Chính phủ dê, Thủ tướng Nguyễn Xuân Phúc đơng lam dơ\ pơrjum Chính phủ ờs mờng nhai 9.

Nàng lơh geh jơnau kờ` bơtàu tơnguh lơh sa- mpồl bơtiàn nam 2017, Thủ tướng sồr pal krà` cê jơh nùs koh tơrmù priă bơcri lơh jat jơnau ai, jàu priă jền ai lơh ală kơnòl broă jal mhar ndai dilah ngân hàng ờ ai càn jơh priă jền. Thủ tướng sồr Ngân hàng dà lơgar pơn jat tai pal tơrmù priă cồng ai càn, lời priă jền ai ală broă lơh lài in, bè lơh broă sa sươn sre công nghệ cao, tăc phan mờ lơgar ndai, mpồl lơh sa kă bro dềt mờ di mơ, sơnđờm mu\t lơh broă.

Tàm dơ\ pơrjum, dùl dơ\ tai Thủ tướng sồr ală bộ, gah lơh broă dà lơgar ờ hềt đơs tus broă tơnguh ală bơta priă dia, priă tă, priă pal tă gơrềng tus mpồl lơh sa kă bro mờ tiah bơcri priă lơh sa kă bro. Thủ tướng kung sồr ală bộ, gah lơh broă dà lơgar lơh niam broă lơh gàr bơta lơngăp lơngai ờdo ờdă mpồl bơtiàn, gàr niam ờdo ờdă ngan Poh bơyai lơh pơrjum kuang bàng dờng màng APEC; rơcang sơndră cau lơh tìs, ngan là tàm dơ\ lồi nam mờ tàm dơ\ sa Tềp.

Cau cih mờ yal tơngi\t- Lơ Mu K’Yến