VOV4.K’ho – Chính phủ pa pơrjum ờs mờng nhai 5, sền sơ wì broă lơh sa mpồl bơtiàn bơh bồ nam tus tu\ do. Đơs tơn jơh pơrjum, Thủ tướng Nguyễn Xuân Phúc sồr ală Bộ, sơnah lơh broă, ală càr, [òn dờng pơn jat tai rơcang lài sền gròi ală bơta gơlik geh tàm lơgar, tàm ală lơgar rềp bal mờ dunia nàng geh ală broă lơh dipal; tơr gùm đơng lam lơh jat krà` cê, ring bal ală kơ nòl, broă lơh neh ai tơlik. Mơkung pal pơn jat tai sơlơ rơndap sap sèng wơl rài lơh sa, sơlơ tơnguh cồng nha lơh broă, lơh niam wơl kơrnuat lơh broă, rơndap sap sèng wơl mpồl lơh sa kă bro, sơlơ bơtàu tơnguh mpồl lơh sa kă bro dùl nă să is, sơn đờm mut lơh broă, rơndap sap sèng wơl dồs dà lơgar, sền gròi niam bơta roh bơngă khà priă…

Thủ tướng đơs tờm jơnau sồr geh ală broă lơh đơng lam nàng lơh geh jơnau kờ` bơta roh bơngă khà priă hơ đơm 4%. Nùs nhơm là ờ tơnguh priă đèng tàm nam do; mìng bơsong priă bơto bơsram, lơh sơnơm tàm bơta geh ai, tơngai dipal. Bal mờ hơ\, tam pà priă mờ broă lơh priă jền dipal, ờ lơh gơbàn bơta bơ klơn tơnguh priă dờng ir…