VOV4.K’ho- Thủ tướng Chính phủ pa geh sră pơyua Bí thư Thành ủy, Tỉnh ủy, Chủ tịch Ủy ban Nhân dân ƀòn dờng Hồ Chí Minh mờ ală càr: Bình Dương, Đồng Nai, Long An; Bộ trưởng ală Bộ, Kuang ătbồ Anih lơh broă mdrờm mờ bộ, anih lơh broă gơwèt Chính phủ; Mpồl đơng lam dà lơgar rơcăng sơndră kòp Covid-19; Mpồl lơh broă dờng màng bơh Chính phủ dê lơh jăt broă lơh rơcăng sơndră kòp Covid-19.

Tàm sră geh tơngume: Ai xã, sơnah ƀòn, thị trấn là “phào kơnong”, làng bol là “cau ling” tàm rơcăng sơndră kòp nàng hòi jà, lam sồr, mblàng yal đơs loh, jà, bơto pơlam, sồr làng bol bañ lik bơh hìu, “cau lơi ơm tềng lơi den ơm mŏ tềng hơ̆”, ơm yah ngài cau mờ cau, hìu mờ hìu, xã mờ xã, sơnah ƀòn mờ sơnah ƀòn. Làng bol là anih tờm drơng broă, là cau tờm tàm rơcăng sơndră kòp. Bơta tus bal, duh rơngòt, lơh jăt jơnau sồr bơh làng bol dê lơh gơnoar broă lơh nền cồng nha lơh geh tàm broă lơh rơcăng sơndră kòp. Do là kơnòl, là gơnoar mờ là gơnoar kuơ bơh tơl nă làng bol dê nàng sền gàr pràn kơldang să jan ai să tờm he in, hìu bơnhă he mờ ƀòn lơgar. Tam lơh jai pha mờ kòp bơtờp là tam lơh jai pha bơh làng bol dê.

Cau mblàng Lơ Mu K’Yến