VOV4.K’ho- Lài hơ̆, Thủ tướng Chính phủ ồng Phạm Minh Chính neh tìp mat ală bác sĩ, cau jak chài lơh sơnơm lơgar Tây mờ lơgar Việt Nam. Đơs tàm dơ̆ tìp mat, Thủ tướng Chính phủ ồng Phạm Minh Chính pà git, dơ̆ bơtờp kòp dơ̆ 4 pa do, mờ jơi virus tam gơl să pa Delta, kòp Covid-19 neh bơtờp uă ngan tàm dunia, tàm hơ̆ geh Việt Nam, lơh gơ rềng uă ngan tus tơl gah rài kis mpồl bơtiàn.

Bulah bè hơ̆, mờ broă lơh ngan, tam klac bal, dùl nùs bal bơh jơh gùt lơgar mờ bơta dong kờl bơh gơp bơyô dunia dê tàm hơ̆ geh lơgar Tây, kòp Covid-19 neh geh sền gròi. Việt Nam lam lơh rơndap broă gơ dờp ờdo ờdă, ngac ngar, gròi sền geh cồng nha kòp bơtờp; pờ mpồng hời rơhời bơtàu tơnguh wơl, bơtàu tơnguh lơh sa mpồl bơtiàn. Thủ tướng kơp kờñ ală bác sĩ, cau jak chài lơh sơnơm lơgar Tây mờ lơgar Việt Nam pơn jat tai dong kờl Việt Nam ờ mìng rơcang sơndră kòp Covid-19 tŭ do mờ gam dong kờl Việt Nam tàm jơh ală gah, ngan là gah lơh sơnơm rơcang gàr lài, lơh sơnơm mờng chài uă, bơtàu tơnguh gah lơh sơnơm tơmba tài jơnau  kờñ pơn jat tai cèng wơl gơboh gơbài, hờm ram ai làng bol in.

Cau mblàng K’Duẩn