VOV4.K’ho- Mho òr 21/1, tàm hìu duh broă Chính phủ dê, ồng Nguyễn Xuân Phúc, Thủ tướng Chính phủ neh geh dơ\ tìp mat mpồl kỹ sư, ală cau jak kơnòm să, ală cau neh lơh mòn gơtùi vệ tinh MicroDragon pa cuh tam par tus hơđang kơl wàng trồ tàm ngai 18/1 pa do.

Cih dờp ală broă lơh ngan pơđơl pràn bơh ală kỹ sư kơnòm să Việt Nam dê, Thủ tướng sồr, broă kơlôi sơnơng, bơtàu tơnguh, lơh mòn vệ tinh pal geh lơh tàm lơgar Việt Nam tàm tơngai tus.

Thủ tướng đơs ngan, Chính phủ geh pơn jat tai lơh geh tơl ală bơta [ươn ngan rlau jơh nàng ròng gàr mờ gàr sùm nùs nhơm kơ\p kờ`, nùs nhơm gơdan kơlôi sơnơng, bơceh lơh mờ tă pơgồp bơh ală cau jak kơnòm să dê, dong Việt Nam geh bơta bơtàu tơnguh niam rlau tai tàm công nghệ kơl wàng trồ.

Broă lơh mòn mờ cuh tam par gơtùi vệ tinh gam pơgồp bơnah kuơmàng đơs nền gơnoar tờm ù tiah dà lơgar tềng hơđang kơl wàng trồ, đơs nền bơta pràn jak kơlôi sơnơng, bơceh lơh jak chài măy mok bơh cau Việt Nam dê. Broă do kung ai Việt Nam [ă pơnì bal mờ ală lơgar lam bồ ASEAN bè bơta pràn jak lơh mòm is vệ tinh.

Cau mblàng Lơ Mu K’Yến