VOV4.K’ho - Thủ tướng Chính phủ tơlĭk kơrnoăt tă 1 rơbô 237 tơmàn đong bơh khà priă prăp gàr kes priă dà lơgar nam 2021 nàng bơtơl khà rơndăp broă tă priă dà lơgar nam 2021 bơh Bộ Y tế lơh jăt broă blơi mờ cĭt sơnơm vaccine rơcang sơndră mờ kòp Covid-19.

Thủ tướng Chính phủ jào Bộ Tài chính, Bộ Y tế geh kơnòl tơl ală bơta bè bơta di pal bơh tơngu me mờ khà priă geh yal. Bộ Y tế geh kơnòl lơh jăt cơ chế blơi sơnơm vaccine rơcang sơndră mờ kòp Covid-19 di jăt mờ kơrnoăt neh geh ai, di tŭ, geh cồng nha, tềm pềr, loh làng, ndrờm bal. Bộ Y tế mhar lơh mờ yal mờ cấp geh gơnoar in kĭ rơndăp broă tơrgùm bal rơcang sơndră mờ kòp Covid-19 nam 2021.

Cau mblàng Ndong Brawl