VOV4.K’ho- Ngai òr 2/5, Thủ tướng Nguyễn Xuân Phúc tus bal Pơrjum Lơh sa is Việt Nam nam 2019 mờ tơngume “Bơtàu tơnguh lơh sa is Việt Nam gơ gơs là dùl bơta gơn kơnờm kuơmàng bơh rài lơh sa drà kă bro pơlam gùng jat xã hội chủ nghiã.

Pơgăp 2.500 nă cau lơh sa kă bro tus bal dơ\ pơrjum bal, tìp mat cribơyai mờ Chính phủ, ală tiah jat nùs nhơm dà lơgar mờ làng bol, nàng pơgồp bơnah tă bơsong ală bơta kơryan, bơta kal ke nàng bơtàu tơnguh lơh sa is ngan ngồn gơ gơs là dùl bơta gơn kơnờm kuơmàng bơh rài lơh sa dê.

Pơrjum geh 6 dơ\ cribơyai tơngume krơi is, tơrgùm tàm ală broă kuơmàng, tơrgùm tàm ală broă pơnrơ bè nhơl chờ, lơh broă sa sươn sre, lơh sa số, pờ gùng dà ai càn priă jền lơh sa di mơ mờ jo\ tơngai ai bơtàu tơnguh lơh sa in.

Kung gơ ơm tàm dơ\ pơrjum lơh sa is Việt Nam nam 2019, geh lơh Pơrjum tơngume mờ tơngume “ Lơh gơs kơrnoat boh lam mờ ală bơnàng jă Bơtàu tơnguh lơh sa sồ tàm Việt Nam”. Tàm 10 nam do, lơh sa sồ Việt Nam neh bơtàu tơnguh sùm bè jơh bal bơnàng phan bơna mờ drà kă bro lơh sa. Lơh sa sồ bơtàu tơnguh bal mờ ală bơta tềl tơngo\ pa pơn rơ bè công nghệ blockchain, bơnàng jă sồ, phan mblàng yal mpồl bơtìan, mpồl lơh sa kă bro điện tử, kă bro điện tử, ală mpồl lơh sa kă bro gơ rềng tus bơtàu tơnguh phần mền, ngui, bơtàu tơnguh tơngume sồ mờ mblàng yal… Tàm dơ\ pơrjum, ala mat anih lơh broă atbồ dà lơgar mờ ala mat tiah lơh sa is neh cribơyai, tàm yal tơng^t bal bè bơta geh ngan, kal le, kòl yan, jơnau dan ală broă lơh, gùng dà broă lơh sơlơ tơnguh bơtàu tơnguh lơh sa sồ.

Cau mblàng Lơ Mu K’Yến mờ K’Hạnh