VOV4.K’ho- Drim 27/10, geh lơh pơrjum kuang bàng dờng màng mpồl ASEAN mờ lơgar Nhờk dơ̆ 24. Thủ tướng Chính phủ Phạm Minh Chính lam bồ mpồl kuang bàng lơgar Việt Nam tus bal pơrjum bal mờ Kuang đơng lam bồ ală lơgar ASEAN, Thủ tướng lơgar Nhờk ồng Fumio Kishida mờ Tổng Thư ký ASEAN. Đơs tàm pơrjum, Thủ tướng Phạm Minh Chính đơs nền Việt Nam geh pơn jat tai tă pơgồp jơh nùs, lam git gơp 2 lơgar bơtàu tơnguh, geh cồng nha mờ ngan ngồn.

Thủ tướng đơs nền 2 gah pal pơgồp bal jơh nùs tàm broă bơtàu tơnguh wơl mờ kơ̆ kơljap ală ròt mpồl tac phan gơtìp ơm ing tài bơh kòp Covid-19, lơh gơlik bơta ƀuơn mờ dong kờl uă ngan rlau jơh nàng ală mpồl lơh sa kă bro, cau bơcri priă lơgar Nhờk gàr sùm kơ̆ kơljap broă lơh sa, kă bro tàm tiah do mờ tàm lơgar Việt Nam. Bal mờ hơ̆, Thủ tướng kung sồr Nhờk dong kờl mpồl ASEAN pơn jat tai dong ASEAN tơrmù bơta tam cah ngài bơtaù tơnguh, chồl pràn bơtàu tơnguh ndrờm bal, gơ glòm jơh ală bơta, kơ̆ kơljap tàm ală tiah gam ờ huan bơtàu tơnguh, tàm hơ̆ geh tiah dềt Mekong bơh tơngume lơh broă bal Mekong- Nhờk.

Cau mblàng K’Duẩn