VOV4.K’ho- Tàm Hà Nội, Quân ủy dà lơgar, Bộ Quốc phòng neh bơyai lơh Pơrjum Quân chính gùt ling klàng 6 nhai bồ nam 2021. Ủy viên Bộ Chính trị, Thủ tướng Chính phủ ồng Phạm Minh Chính tus bal mờ đơng lam pơrjum; Thượng tướng Phan Văn Giang, Ủy viên Bộ Chính trị, Phó Bí thư Quân ủy dà lơgar, Bộ trưởng Bộ Quốc phòng neh đơng lam pơrjum.

Đơs tàm pơrjum, Thủ tướng Chính phủ Phạm Minh Chính đơs niam ală kuang bàng tus bal pơrjum neh cribơyai song dơpă, geh kơnòl, tă pơgồp uă jơnau đơs kuơmàng, bơ tơl, lơh sir tai ală jơnau đơs sền sơ wì bè gùng dà kơnòl broă. Pơrjum neh ai tơlik ală kơnòl broă 6 nhai lồi nam 2021. Jat hơ̆, gùt ling klàng pơn jat tai lam lơh jat làm uă Nghị quyết pơrjum dờng dơ̆ 13 bơh Đảng dê, Nghị quyết Pơrjum dờng Đảng bộ ling klàng dơ̆ 11 mờ ală kơnòl broă tờm tơngai bơh nam 2021 tus nam 2026.

Quân ủy dà lơgar, Bộ Quốc phòng neh đal git 2, 3 gùng dà, kơnòl broă tờm tàm tơngai tus, tàm hơ̆ geh broă rơcang lài, ngac ngar, đơs lài gờñ, sền sơwì di broă gơlik geh, di tŭ cribơyai broă rơndap lơh mờ Đảng, dà lơgar bơsong geh cồng nha ală broă gơlik geh; pơn jat tai lam lơh jat làm uă ală nghị quyết, broă rơndap lơh, jơnau đơs pơn dut, rơndap broă, broă lơh adat boh lam bè ling klàng, sền gàr dà lơgar.

Cau mblàng K’Duẩn