VOV4.K’ho- Mho òr (23/1), di dơ\ tus bal Pơrjum Cribơyai Lơh sa Dunia (WEF) Davos 2019 tàm lơgar Thụy Sỹ, ồng Nguyễn Xuân Phúc, Thủ tướng Chính phủ neh đơs sơnđờm mu\t dơ\ cribơyai bal mờ tơngume “Dơ\ tìp mat ală kuang đơng lam bồ bè broă lơh tơngume cribơyai lơh broă dà lềng dờng”.

                                           Thủ tướng Nguyễn Xuân Phúc tàm WEF Davos 2019

Thủ tướng đơs là, kờ` ngan pal geh ală bơta bơtàu tơnguh mhar, ngan là hòi jà tă pơgồp mờ tam pà geh cồng nha priă jền nàng tam dră wơl mờ ală bơta lòng ngòt rơngơ\t ngan bơh tam gơl trồ tiah gùt plai ù dê, dà lềng tih jơnhoa mờ dong kờl ală dà lơgar gơtìp gơrềng kơn jơ\ kơn ju\t ngan rlau jơh.

Thủ tướng sồr crơng gơs “Cribơyai lơh broă bal dà lơgar mờ làng bol pờ ơnàng bè tam dră wơl mờ tam gơl trồ tiah mờ sền gàr tiah ơm kis phan kis tàm dà lềng” nàng sơlơ tàm yal tơngi\t bal bơta mờng chài, lơh broă bal, bơto pơlam tàm jàu công nghệ, hòi jà tă pơgồp ală priă jền mờ gơhòi gơ jà bơta tus bal bơh ală mpồl lơh sa kă bro dê tàm sền gàr tiah ơm kis dà lềng.

Di dơ\ tus pơrjum cri bơyai broă lơh sa dunia (WEF) geh bơyai lơh tàm Davos, lơgar Thuỵ Sỹ nam 2019, Thủ tướng Nguyễn Xuân Phúc neh geh ală dơ\ tìp mờ cau bơyau lơgar Bỉ, Thủ tướng lơgar Nepal, Kuang atbồ mpồl kă bro dunia mờ kuang bàng đơng lam ală tập đoàn dờng geh pơnrơ ngan tàm dunia. Tàm dơ\ tìp mờ cau bơtau lơgar Bỉ ồng Phillippe, Thủ tướng đơs tòm lơgar Việt Nam sền kuơ broă lơh bal mờ lơgar Bỉ, lơgar tàm mpồl bơceh mờ geh gơnoar kuơ màng tàm mpồl tam klăc châu Âu (EU) dê, pơn jờng mờ ai tơl bơta [uơn ai ală anih lơh sa kă bro lơgar Bỉ bơcri priă lơh sa kă bro tàm lơgar Việt Nam.

Tìp mờ Thủ tướng lơgar Nepal ồng K.P. Sharma Oli. Thủ tướng đơs tòm broă lơh bal bơh lơgar Việt Nam dê sùm sền kuơ broă lơh g^t gơ\p, lơh broă bal ờs mờng mờ lơgar Nepal. Bàr gah ring bal pơn jăt tai tơnguh broă tìp mờ ală cấp; chồl pràn broă ai tơl bơta [uơn ai ală anih lơh sa kă bro bàr lơgar tus jòi kờ` g^t bè drà kă bro.

Wă kuang atbồ mpồl kă bro dunia ồng Roberto Azevedo, Thủ tướng đơs tòm, lơgar Việt Nam sền kuơ broă kă bro uă bơta tàm broă kă bro dunia dê; mờ đơs tòm, tơnơ\ mờ rơlao 10 nam mu\t bal tàm mpồl kă bro dunia, lơgar Việt Nam neh tơnguh nùs nhơm rơcang lài, geh kơnòl uă. Kung tàm Davos, Thủ tướng Nguyễn Xuân Phúc neh wă kuang atbồ đơng lam Tập đoàn Apple ồng Tim Cook, Kuang atbồ Công ty AB ồng Carlos Brito mờ kuang bàng đơng lam uă tập đoàn dờng tàm dunia.

Cau mblàng Lơ Mu K’Yến mờ Ndong Brawl