VOV4.K’ho- Mang òr (8/5), tàm [òn dờng Thanh Hóa, geh lơh dơ\ tơngkah 990 nam Thanh Hóa. Tus bal mờ đơs tàm dơ\ tơngkah, Thủ tướng Nguyễn Xuân Phúc đơs loh, Thanh Hóa là càr geh uă bơhìan niam chài rơgơi, kờ` gơboh dà lơgar mờ kac màng, tiah geh rài bơta niam chài rơgơi phan lơh mờ lơngô “Sơgơr lơngô Đông Sơn”, pơgồp bơnah kuơ màng ai bơta bơtàu tơnguh niam ngan bơh tiah prap gàr bơta niam chài rơgơi cau Việt Nam dê.

Thủ tướng Nguyễn Xuân Phúc tàm dơ\ tơngkah

Thanh Hóa là dùl tàm ală tiah tờm bơh ală bơta kuơ màng niam chài rơgơi ờ di phan bơna bơh cau Việt Nam mờ bơh ală jơi bơtìan kòn cau dê. Tàm rài kah yau crơng gơs dà lơgar mờ sền gàr dà lơgar bơh jơi bơtìan dê, Thanh Hoá là tiah sùm geh gơnoar kuơ màng jơh bal bè chính trị, linh klàng, lơh sa mờ niam chài rơgơi.

Nàng bơtàu tơnguh [òn dờng di pal mờ bơta pràn, gơnoar broă, Thủ tướng sồr Đảng bộ, gơnoar atbồ mờ làng bol càr Thanh Hoá pal tơrgùm tàm ală broă tờm tơnguh lơh sa nàng geh broă lơh kuơ màng sơlơ bơtàu tơnguh lơh sa mờ sơlơ gơ hòi gơ jà bơcri priă.

Pơn jat tai tơrgùm lơh mhar tu\ tơngai ală rơndap broă lơh phan bơna dờng, ală rơndap broă lơh phan bơna bè nhơl chờ, gah rơndeh par, anih ơ hò ơm tàm dà lềng, kơlôi sơnơng, geh broă lơh pa nàng kờ` sơlơ tơnguh broă gơ hòi gơ jà mpồl cau bơcri priă bơt bơtàu phan bơna kuơ màng nàng sơlơ bơtàu tơnguh lơh sa, mpồl bơtìan kơ\ kơl jap.

Cau mblàng K’ Hạnh