VOV4.K’ho - Mho òr (02/04), tàm hìu lơh broă Chính phủ, wă Đại sứ lơgar Hàn Quốc tàm lơgar Việt Nam ồng Park No Wan mờ mpồl tam klăc Mpồl lơh sa kă bro lơgar Hàn Quốc tàm lơgar Việt Nam, Mpồl cau lơgar Hàn Quốc tàm lơgar Việt Nam, 5 tập đoàn công nghệ cao geh pơnrơ ngan lơgar Hàn Quốc dê tus jòi sền nàng tơnguh broă bơcri priă tàm lơgar Việt Nam, Thủ tướng ồng Nguyễn Xuân Phúc đơs, mờ lơgar Việt Nam, bơta pràn tàm dơlam is là lơh ngan, bơta pràn bơdìh lơgar là kuơ màng tàm broă tơnguh bơtàu lơh sa.

           Thủ tướng ồng Nguyễn Xuân Phúc wă Đại sứ lơgar Hàn Quốc tàm lơgar Việt Nam ồng Park No Wan

Thủ tướng pin dờn, broă lơh bal đah lơgar Việt Nam mờ lơgar Hàn Quốc ngai sơlơ đềt mềr nền nòn tài broă geh măt bơh ală tập đoàn lơh sa dờng bơh lơgar Hàn Quốc tàm lơgar Việt Nam bè Samsung, SK, hanwha, Deawoo, Lotte mờ geh uă ngan tập đoàn, mpồl lơh sa kă bro ndai.

Chính phủ lơgar Việt Nam pơn jăt tai kờñ bal mờ ai tơl bơta ƀuơn ală tập đoàn, mpồl lơh sa kă bro pơn jăt tai pờ ơnàng broă bơcri priă, kă bro tàm lơgar Việt Nam. Thủ tướng pà gĭt, bŭ lah gam gơtìp mờ Covid-19 mơya lơgar Việt Nam gam sùm ai tơl bơta niam ală kuang bàng jăk chài, anih lơh sa kă bro bơcri priă bơh lơgar Hàn Quốc tus tàm lơgar Việt Nam lơh sa mờ sră nggal ƀuơn ngan.

Cau mblàng Ndong Brawl