VOV4.K’ho – Tàm dơ\ lòt còp ngan ngồn lơgar Czech, Thủ tướng Nguyễn Xuân Phúc neh wă ồng Vojtech Filip, Chủ tịch Đảng Cộng sản Czech – Morava, mơkung là Phó Chủ tịch Hạ viên lơgar Czech.

 Thủ tướng đơs niam broă tàm gơnoar broă là Phó Chủ tịch Hạ viên lơgar Czech, ồng Vojtech Filip neh lơh ngan chồl pràn lơh broă bal đah Quốc hội 2 lơgar. Gơwèt mờ broă git gơp lơh sa, kă bro mờ bơcri priă den geh gơnoar broă kuơ màng ngan tàm broă lơh bal đah 2 lơgar, Thủ tướng đơs là, Hiệp định kă bro khat gơboh Việt Nam – EU (EVFTA) geh kuơ dờng màng ngan bè broă rơndap lơh mờ lơh sa – kă bro mờ EU mờ Việt Nam, ngan là dong ală mpồl lơh sa kă bro lơgar Czech mờ EU geh mut tàm drà kă bro lơgar Việt Nam.

 Bơh git gơp lơh broă bal 2 lơgar niam bơne\ mờ gơnoar là bơyô đềt mềr bơh lơgar Việt Nam dê, Thủ tướng sồr ồng Vojtech Filip sơlơ chul chồl nàng mhar ki\ Hiệp định EVFTA mờ EVIPA (Hơ\ là Hiệp định sền gàr dong kờl bơcri priă Việt Nam – EU).