VOV4.K’ho- Mho òr (06/3), tàm hìu duh broă Chính phủ dê, ồng Nguyễn Xuân Phúc Thủ tướng Chính phủ wa\ rò mpồl kuang bàng ala mat cau geh màng mờ dà lơgar quận Hải Châu, [òn dờng Đà Nẵng.

Đơs tàm dơ\ wa\ rò, ồng Nguyễn Xuân Phúc tơlik nùs nhơm ngoh rơngăc geh tìp mat mpồl kuang bàng ala mat cau geh màng mờ dà lơgar quận Hải Châu, [òn dờng Đà Nẵng; mờ đơs ngan, Đảng, Dà lơgar sùm sền gròi, kah rơngal gơ wèt mờ bơta phi să, tă pơgồp ai broă lơh kăc màng in bơh ală cau geh màng mờ dà lơgar dê.

Thủ tướng jờng rơ quận Hải Châu neh bơyai lơh dơ\ lòt geh bơta kuơ ngan do, tơngo\ bơta sền gròi tus mờ ală cau chính sách. Thủ tướng kơ\p kờ` quận Hải Châu pal lơh ngan bơ\t bơtàu quận gơ gơs là tiah tờm tiah drà jak chài ngac ngar tơlir niam, sàng kloh bơh Đà Nẵng dê, tàm hơ\ sền gròi broă lơh tam gơl pa sră nggal, bơ\t bơtàu gơnoar atbồ điện tử, drơng làng bol niam rlau; mơkung lơh niam srơh “kis gi\t jơnau gi\t adat”, broă dong kờl sền gàr cau geh màng mờ dà lơgar.

Cau mblàng Lơ Mu K’Yến