VOV4.K’ho- Thường trực Ban Bí thư geh công điện bè pơn jat tai tơnguh broă lơh rcang sơndră kòp Covid-19.

Jat hơ̆, Thường trực Ban Bí thư sồr ală kấp ủy, mpồl Đảng, gơnoar atbồ, Mặt trận dà lơgar mờ ală mpồl cau ală kấp tơrgùm đơng lam, sồr lơh mờ bơyai lơh jat niam 6 kơnòl broă tờm, lam lơh jat niam ală sră nggal đơng lam bơh Ban Bí thư, Thủ tướng Chính phủ, Mpồl đơng lam dà lơgar rcang sơndră kòp Covid-19 mờ jơnau bơto pơlam bơh Bộ Y tế dê; bañ sền ờ sơ̆p, ờ rcang sền ngăc tàm broă lơh rcang sơn dră kòp, ngan là ală ngai ơm rơlô ngai 30/4, mờ ngai 01/5 kung bè rcang ai dơ̆ tĕ khà Kuang bàng Quốc hội khoá 15 mờ Kuang bàng Hội đồng Nhân dân ală kấp tơngai lơh broă bơh nam 2021-2026; tơnguh broă lòt sền, sền gròi kràñ ală gùng tiah nhàr lơgar, mpồng nhàr lơgar, anih ơhò ơm tàm dà lềng; Lơh jat tơl làm ală broă lơh rcang sơndră kòp jat jơnau bơto pơlam bơh Bộ Y tế dê mờ lơh jat broă lơh glài, lơh glài kơnòl broă bơh ală mpồl cau, cau dùl nă să is lơh tìs mờ broă lơh rcang sơndră kòp; sồr lơh mhar bơyai lơh jat niam broă lơh cĭt sơnơm vaccine kơryan kòp Covid-19; mơkung pơn jat tai lơh pràn broă mblàng yal, mblàng yal tơnguh uă bơta gĭt wă bơh làng bol dê tàm broă rcang lài lơh jat ală broă lơh rcang sơndră kòp Covid-19.

Cau mblàng K’ Hạnh