VOV4.K’ho - Mho òr (15/10), Thường trực Ban Bí thư ồng Võ Văn Thưởng neh geh dơ̆ cri bơyai pờ tơlik tàm internet mờ Thường trực Ban Bí thư Đảng Làng bol kăc màng lơgar Lào-Phó Chủ tịch lơgar Lào.

Bàr gah neh yal bal bè broă lơh bơh tơl Đảng, tơl lơgar; tam pà bal broă mờng chài bè broă bơ̆t bơtàu Đảng, bơ̆t bơtàu mpồl chính trị, broă rơcang sơndră mờ sa kuề sa koà, broă sền gròi, lơh glài Đảng mờ ală broă lơh jăt Nghị quyết Pơrjum dờng bơl tơl Đảng. Bàr kuang đơng lam kung tam pà jơnau tơngit, broă mờng chài tàm broă rơcang sơndră mờ gròi sền kòp Covid-19, mờ broă tơnguh bơtàu broă lơh sa mpồl bơtiàn tàm tơl lơgar tàm tơngai do; mờ đơs tờm broă lơh gam uă kal ke, mơya jơh bàr gah sùm kờñ bal, dong kờl bal di tŭ, geh cồng nha, tơlik nùs nhơm niam oh mi đềt mềr mờ bơhiàn dong kờl bal bàr dà lơgar Việt Nam mờ Lào.

Cau mblàng Ndong Brawl