VOV4.K’ho- Drim òr (11/4), tàm Hà Nội, ồng Nguyễn Xuân Phúc Thủ tướng Chính phủ đơng lam dơ\ pơrjum bè rơndăp cih Nghị định cih broă ngui phan bơna dà lơgar nàng tơm priă ai cau bơcri priă in tu\ lơh rơndăp broă lơh bơ\t bơtàu- tàm jàu (BT) mờ Nghị định cih nền cê lơh jat bàr pe bơta bơh Adat Quy hoạch dê.

      Thường trực Chính phủ pơrjum bè 2 Nghị định tă bơsong kal ke ai gùng lòt lơh sa in  

Bè jơnau cih broă ngui phan bơna dà lơgar, Thủ tướng sồr Bộ Tài chính iat kơno jơh ală jơnau đơs tă pơgồp nàng pơn jat tai tă bơsong, lơh gơs Nghị định mờ nùs nhơm pal gơtùi ngui ngan ngồn nàng gơ lòt mu\t tàm rài kis, nàng kờ` ngui niam bơta gơdờp bơtàu tơnguh lơh sa dà lơgar in, tă pơgồp ai gơguh lơh sa nam 2019 in mờ ală nam pơn jat tai.

Kung tàm dơ\ pơrjum, Thường trực Chính phủ neh cribơyai, sền swì rơndăp cih Nghị định cih nền cê lơh jat bàr pe bơta bơh Adat Quy hoạch dê. Thủ tướng sồr pal geh dùl Nghi định bơto pơlam lơh jat Adat Quy hoạch ală bơta ờ kal ke. Ală bơta gam kal ke ờ gơtùi lơh jat geh den Chính phủ yal mờ Ủy ban Thường vụ Quốc hội in dan lơyaì wơl. Thủ tướng sồr ală kơnòl broă do pal lơh gơs tàm nhai 4 nam do nàng yal mờ Quốc hội.

Cau mblàng Lơ Mu K’Yến