VOV4.K’ho- Ngai òr 22/1, Mpồl kuang bàng đơng lam bồ càr Lâm Đồng dê tìp mat mpồl cau geh bồ tơngoh jak pơnrơ tàm càr. Tàm dơ\ tìp mat, kuang đơng lam bồ càr Lâm Đồng cih dờp mờ đơs niam ngan ală tă pơgồp bơh mpồl cau geh bồ tơngoh jak dê tàm tơngai lài gơ wèt tus mờ bơta bơtàu tơnguh bal bơh càr Lâm Đồng dê.

Mơkung đơs sùm, tàm tơngai tus ală kấp ủy Đảng, gơnoar atbồ bơh càr tus [òn lơgar pal lơh dùl ròt bal ală broă dong kờl tàm broă sền go\, rơndăp tăp sèng, bơto bơtê, tề lam, ai lơh broă mờ ngui mpồl cau geh bồ tơngoh jak. Sền gròi pồ at gơnoar broă ală cau geh bồ tơngoh jak geh bơta kơlôi sơnơng tam gơl pa, lơh gơs jak ngan kơnòl broă, khin kơlôi, khin lơh, khin kong kơnòl.

Geh broă rơndăp lơh loh làng nàng sền go\, bơto bơtê, tề lam cau geh bồ tơngoh jak kơnòm să, cau geh bồ tơngoh jak là ală cau neh tă pơgồp tàm broă lơh ngan ngồn tàm rài kis, cau geh bồ tơngoh jak là cau kòn cau mờ cau geh bồ tơngoh jak là cau ùr lơh bơnàng jă ai broă rơndăp tăp sèng kuang bàng, bơ\t bơtàu broă rơndăp lơh bơtàu tơnguh mpồl cau geh bồ tơngoh jak càr Lâm Đồng in tơngai bơh nam 2025- 2030 pal tơl bè khà, ndrờm bal bè bồ tơngoh jak, lơh geh jơnau kờ` bơtàu tơnguh lơh sa- mpồl bơtiàn bơh càr dê.

Cau mblàng Lơ Mu K’Yến