VOV4.K’ho- Drim ngai 23/12, Ƀan Tuyên giáo dà lơgar bơyai lơh Pơrjum gùt lơgar tơn jơh broă lơh Tuyên giáo nam 2021 mờ lam lơh kơnòl broă nam 2022. Pơrjum geh bơyai lơh jat broă lơh pơrjum tơn pơgồp bal mờ pơrjum pờ tơlik tàm internet tàm ală anih pờ tơlik tơn tàm gùt lơgar.

        Thường trựk Ƀan Ƀí thư ồng Võ Văn Thưởng tus bal pơrjum gùt lơgar tơn jơh broă lơh Tuyên giáo

Nam 2021 mờ nùs nhơm rơcang lài, lơh ngan uă, lơh jat bơta đơng lam bơh Ƀộ Cíñ trị, Ƀan Ƀí thư mờ ală kấp ủy dê, gùt gah Tuyên giáo neh tam gơl pa broă lơh, lam lơh tơl làm ală gah broă lơh, lơh gơs niam ngan kơnòl broă lơh. Bơh hơ̆, pơgồp bơnah kuơmàng lam lơh geh cồng nha ală kơnòl cíñ trị bơh ală kấp ủy, gơnoar atbồ, Mặt trận dà lơgar mờ ală mpồl lơh broă cíñ trị- mpồl bơtiàn dê. Đơs tàm pơrjum, Thường trựk Ƀan Ƀí thư ồng Võ Văn Thưởng sồr, tơngai tus, gah Tuyên giáo pal pơn jat tai tam gơl pa, tơnguh bơta niam, cồng nha broă lơh tuyên giáo tàm ală kấp. Jơh nùs tus bal bơt bơtàu đảng pràn kơldang, kơ̆ kơljap bè cíñ trị, nùs nhơm. Ồng Võ Văn Thưởng sồr pal chồl pràn broă kơlôi sơnơng bơsram, pơlam lơh jat, mblàng yal, lam lơh jat Nghị quyết pơrjum dờng dơ̆ 13 mờ ală Nghị quyết, cỉ thị pơn dut jơnau sồr bơh Đảng dê.

Cau mblàng K’Duẩn