VOV4.K’ho- Mho ngai 22/9, Ủy ban Thường vụ Quốc hội tơn jơh pơrjum dơ̆ 3. Đơs tơn jơh pơrjum dơ̆ 3, ồng Vương Đình Huê- Chủ tịch Quốc hội đơs, tàm pơrjum Ủy ban Thường vụ Quốc hội ai jơnau đơs 6 rơndap broă lơh adat mờ uă tơngume kuơ màng ndai. Bè broă rcang lài pơrjum dơ̆ 2 in, pal geh rcang lài niam ngan rlau jơh broă lơh sền gàr bơta lơngap lơngai, rơndap tap sèng, ờdo ờdă broă lơh rcang sơndră kòp, gàr niam ală gùng dà broă lơh bơsong di tŭ ai ală kuang bàng tus bal in. Lài hơ̆, tàm mho ngai 22/9, tŭ sền sơwì, lơh nền gùng dà broă lơh ngui khà priă koh tơrmù, tềm pềr broă tă kes priă dà lơgar nam 2021, Ủy ban Thường vụ Quốc hội neh ai gơnoar jàu 14 rơbô 620 tơmàn đong tàm kes priă rcang gàr lài dà lơgar dê nàng ngui tàm broă lơh rcang sơndră kòp in.

Kung tàm mho ngai 22/9 sơl, mờ 100% kuang bàng Ủy ban Thường vụ Quốc hội geh mat ring bal,  Ủy ban Thường vụ Quốc hội neh pờ tê ring bal Rơndap broă lơh broă crơng gơs ƀòn dờng Từ Sơn, càr Bắc Ninh.

Cau mblàng K’Hạnh