VOV4.K’ho- Tàm mho ngai 22/11, Ủy ban Thường vụ Quốc hội ai jơnau đơs bè tơn jơh pơrjum dơ̆ 2 mờ ai jơnau đơs bơh sơn rờp bè broă rơcang tus dơ̆ pơrjum nisơna mờ pơrjum dơ̆ 3, Quốc hội khóa 15. Tàm dơ̆ pơrjum, Chủ tịch Quốc hội ồng Vương Đình Huệ sồr bơyai lơh sơlơ gờñ sơlơ niam pơrjum nisơna mờ 5 tơngume kuơmàng gơ rềng tus “broă lơh dà lơgar, rài kis làng bol”. Jat Kuang gơnoar cih Quốc hội ồng Bùi Văn Cường pà git, pơrjum nisơna geh lơh jat broă lơh pờ tơn tàm internet, kờp dŭ tŭ tơngai bơyai lơh pơrjum pơgap 4 ngai mờ nggùl.

Kuang bàng Quốc hội pờ tê ring bal phần mềm tơmut tàm măi mok điện tử. Geh 5 tơngume Ủy ban Thường vụ Quốc hội sồr Chính phủ mhar yal nàng ai jơnau đơs tàm pơrjum nisơna, hơ̆ là: sền sơ wì rơndap lơh Adat tam gơl, bơtơl 2, 3 bơta bơh 10 adat boh lam; rơndap broă lơh lơh gùng ù gờl rơndeh ntoat rat tiah đah tô- tiah đah jum dà lơgar hờ tiah đah mat tơngai lik tơngai bơh nam 2021 tus nam 2025; jơnau rơcang cih Nghị quyết lam lơh tơrlòng lài 2, 3 cơ chế, broă lơh krơi is bơtàu tơnguh ƀòn dờng Cần Thơ; Rơndap broă lơh bơt bơtàu cơ chế, broă lơh nam priă jền, priă jền nàng dong kờl di tŭ lam lơh Broă lơh bơtàu tơnguh wơl mờ bơtàu tơnguh lơh sa- mpồl bơtiàn.

Cau mblàng K’Duẩn