VOV4.K’ho - Mho òr (24/09), Chủ tịch Quốc hội ồng Vương Đình Huệ neh đơng lam dơ̆ pơrjum ni sơna bơh Ủy ban Thường vụ Quốc hội dê nàng pơgồp bal jơnau đơs tàm broă ai geh dong kờl cau lơh broă mờ ngui cau lơh broă gơtìp gơrềng bal tài bơh kòp Covid-19 bơh Kes priă Bảo hiểm roh broă lơh.

Đơs tàm pơrjum, Chủ tịch Quốc hội ồng Vương Đình Huệ pà git, tơngai do, Ủy ban Thường vụ Quốc hội mờ Chính phủ neh tơlik uă broă lơh krơi is, tơrgùm tàm ală broă dong kờl làng bol, mpồl lơh sa kă bro sơrlèt mờ kal ke bơh kòp Covid-19. Mơya, tềng đăp mờ bơta kal ke bơh kòp Covid-19, pal pơn jăt tai geh ală broă dong kờl cau lơh broă mờ cau ngui cau lơh broă. Chính phủ sồr ngui 30 rơbô tơmàn đong bơh priă jơnkah Kes priă Bảo hiểm roh broă lơh nam 2020 nàng dong kờl tơn ai cau lơh broă dùl dơ̆ mờ priă ngan; cau ngui cau lơh broă geh tơmù khà priă tă bơh 1% gam 0% tàm kes priă nhai bơh ală cau lơh broă gơwèt cau tus bal blơi bảo hiểm roh broă lơh mờ bơta pràn di pơgăp 8 rơbô tơmàn đong. Jơh bàr broă lơh do ndrờm ờ hềt geh ai tàm adăt broă lơh nam 2013, den tàng, broă lơh niam wơl broă lơh do gơwèt gơnoar bơh Quốc hội.

Cau mblàng Ndong Brawl