VOV4.K’ho- Tơngkah 90 nam Ngai crơng gơs Đoàn Ơruh pơnu Cộng sản Hồ Chí Minh, ală ngai do, tàm kơnhoàl kal ke uă ngan M’Drak, càr Dak Lak neh bơyai lơh uă broă lơh ơruh pơnu duh hồl ngan dong kờl is tài rài kis mpồl bơtiàn. Do mìng là dùl tàm ală broă lơh dong kờl is tài rài kis mpồl bơtiàn mờ mpồl ơruh pơnu tàm kơnhoàl Mdrak dê lơh tàm 1 nhai do.

                                  Ơruh pơnu tă pơgồp bal dà kơl hê lơh đèng sòl àng gùng ƀòn Pa, xã Cư Prao

Bi Nông Anh Dũng, Bí thư Huyện đoàn Mdrak, pà gĭt, bal mờ ală broă lơh pơs wàs tiah ơm kis, tam tờm chi tơlir jơm glòm bơnơm ờ geh tờm chi, ơruh pơnu kơnhoàl dê tơrgùm tàm ală kơnòl broă tờm bè: dong làng bol tiah tàm dơlam tơnau bơtơ̆t rƀòng dà Krông Păc Thượng tàm xã Cư̆ San ntrờn tus tiah ơm kis pa, bơt bơtàu hìu ơm kờñ gơboh kòn bơnus, bơt bơtàu tiah nhơl ai kơnòm dềt in, lơh rbàng làng bol in lòt rê. Ală broă lơh uă ngan là wèt tus tàm tiah sar lơgar ngài, tiah làng bol kòn cau.

Cau mblàng K’ Hạnh