VOV4.K’ho- Hìu jàm Sơn La (gơwèt sơnah ƀòn Tô Hiệu, ƀòn dờng Sơn La, càr Sơn La) là Tiah tềl kah yau Dà lơgar kuơ màng, pah nam wă geh mờr 300 rơbô nă cau năc tus bơh ală càr, ƀòn dờng tàm gùt lơgar mờ dunia tus sền, kơlôi sơnơng, jòi nàng git bè rài lài do.

                                                             Tiah tềl kah yau Hìu jàm Sơn La

Hìu jàm Sơn La geh ling lơgar Tây lơh tàm nam 1908. Tiah do neh jàm 1 rơbô 7 nă cau jàm cộng sản, là hìu bơsram kăc màng, anih prăp gàr “gar sơntìl pơrhê” bơh kăc màng Việt Nam dê. Do là dùl tàm ală anih tus nhơl sền rài lài do geh kuơ mờ là “anih pơrhê” nàng lam sồr, bơto bơtê bơhiàn kăc màng ai rơnàng kơnòm să in git sền kuơ rơlao tai, pơnyờ să bè bơhiàn kăc màng bơh dà lơgar dê. Neh rơlao uă dơ̆ lơh niam wơl mờ jòi tai ală pang sră, phan gơrềng bal, Hìu jàm Sơn La sùm lơh ngan tơnguh ală bơta kuơ bơh tiah tềl kah yau tàm broă bơto bơtê bơhiàn kăc màng ai rơnàng kơnòm să mờ cau năc in tus sền.

Cau mblàng Ndong Brawl