VOV4.K’ho- Mho òr 7/11, mpồl lơh broă bơh Tỉnh ủy Daklak dê neh lòt còp mờ jàu priă dong kờl ai dùl êt hìu bơnhă tàm kơnhoàl Krông Bông gơtìp hoàc hươr tài bơh mìu càl rbu\t dờng sồ 12 lơh aniai. Mpồl neh đềt mềr còp să, pơndờm pơnđiang mờ tam pà bal bơta jê sồt muăt jrùm mờ ală hìu bơnhă gơtìp aniai pal ko\ng.

Ồng Y Phu Êban, Bí thư Tỉnh ủy Daklak sồr kấp ủy, gơnoar atbồ mờ gah lơh broă geh gơnoar tàm tiah do kờ` pal geh broă dong kờl di tu\; krà` cê jơh nùs ờ go\ di lời dùl nă làng bol lơi gơtìp jơgloh; hòi jà ală mpồl ling klàng tus bal dong làng bol bơ\t bơtàu wơl hìu đam, pơs wàs lơh kloh niam tiah ơm kis.

Mơkung dong kờl priă jền, chi sơntìl nàng làng bol gờ` bè ờs wơl rài kis, lơh wơl broă lơh sa. Kung tàm mho òr 7/11, Tam klac ală mpồl lơh sa kă bro kơnòm să càr Daklak dê neh dong kờl làng bol xã Yang Mao, kơnhoàl Krông Bông 2 tấn phe mờ 100 thùng [ung mi.

Cau cih mờ yal tơngi\t- Lơ Mu K’Yến