VOV4.K’ho – Tỉnh ủy Lâm Đồng bơyai lơh pơrjum dơ\ 14. Pơrjum ring bal, mờ nùs nhơm lơh ngan uă bè bơta đơng lam krà` cê bơh ală kấp, ală gah broă lơh dê den tàng neh dờp geh bơta dùl nùs bal bơh làng bol dê, broă lơh sa mpồl bơtìan 6 nhai bồ nam neh lơh geh tơl làm, jơh ală khà ai tơlik lơh geh uă pơn drờm mờ broă rơndap lơh mờ gơnguh uă pơn drờm mờ 6 nhai bồ nam lài.

 Bơta ngap lơngai chính trị geh gàr kơ\ kơljap, đơs tờm gơnoar, bơngă bơh ală kấp, ală gah broă lơh, bơta lơh broă ring bal bơh jơh mpồl chính trị bơh càr tus kơnă hơ đơm, tàm hơ\ tơnguh jơnhua gơnoar bơh mpồl ling dê neh geh ală broă rơndap lơh geh cồng nha ngan. Bè rơcang sơndră sa kuề sa kùa, Bí thư Tỉnh ủy sồr, bơh jơnau sền sơwì bơh Mpồl đơng lam dà lơgar dê, càr Lâm Đồng kung gam ơm tàm bơta hơ\, sa kuề sa kùa hời rơhời geh tơrmù, đơng lam, lơh glài krà`, di mờ jơnau cih bơh adat boh lam dê, lơh glài di cau di tìs, ờ lời gơbàn tìs oàn, ờ geh tiah gơtìp kơryan, gàr niam bơta song dơpă bơh adat boh lam dê.

 Bí thư Tỉnh ủy đơs tờm: kờ` pal pơn jat tai pơlam lơh jat jơnau sồr, kơnòl bơh Nghị quyết dà lơgar 7, khoá 12 dê, nền nòn lơh jat geh cồng nha ală nghị quyết bơh pơrjum Đảng bộ càr neh ai tơlik, geh broă lam lơh jơh ală broă lơh nàng lơh jơh mờ sơr lèt rlau broă rơndap lơh ai tơlik tàm 6 nhai lồi nam mờ gùt nam 2018.