VOV4.K’ho- Cau lơgar bơdìh ơm kis di mờ adăt boh lam tàm lơgar Việt Nam geh gàr niam gơnoar khăt gơboh pin dờn, jăt yàng di jăt mờ kơrnoăt tàm adăt pin dờn jăt yàng”. Do là jơnau đơs bơh Thứ trưởng Bộ Nội vụ, Kuang atbồ gah jăt yàng Chính phủ, ồng Vũ Chiến Thắng tàm dơ̆ tìp măt cau lơgar bơdìh lơh jăt broă jăt yàng tàm lơgar Việt Nam, geh Gah jăt yàng Chính phủ bơyai lơh drim òr (27/04), tàm Hà Nội.

Tus bal dơ̆ tìp măt geh ală cau kơ đơng yàng, ala măt mpồl cau jăt yàng tơrgùm bal bơh cau lơgar bơdìh, mpồl jăt yàng bal mờ ală bộ, gah lơh broă dà lơgar, gah jăt yàng tàm ală tiah. Ală cau ala măt tus bal dơ̆ tìp măt neh sền ală rùp bè rài kis pin dờn, jăt yàng tàm lơgar Việt Nam; iăt jơnau yal bơh cau yal ală tơngu me tờm bơh adăt pin dờn jăt yàng, adăt bè lik mŭt tàm lơgar, broă lơh jăt broă lơh sră nggal tàm internet tàm gah pin dờn, jăt yàng...Bơh tŭ hơ̆, kờñ cau lơgar bơdìh gam lơh jăt gùng yàng tàm mpồl tơrgùm wă loh làng rơlao tai adăt bè pin dờn, jăt yàng, gơnoar mờ broă lơh jăt gơnoar pin dờn, jăt yàng bơh cau lơgar bơdìh ơm kis di mờ adăt boh lam tàm lơgar Việt Nam.

Cau mblàng Ndong Brawl