VOV4.K’ho- Ngai 09/11, Bộ trưởng Bộ Ngoại giao Việt Nam ồng Bùi Thanh Sơn mờ Bộ trưởng Bộ Ngoại giao lơgar Australia mò Maris Payne neh đơng lam dơ̆ Tìp măt cribơyai ASEAN mờ Australia bè cau ùr, ring lơngai mờ lơngăp lơngai dơ̆ 2 jăt broă lơh pơrjum pờ tơlik tơn tàm internet. Tus bal Tìp măt cribơyai geh Kuang ătbồ Mpồl cau gơnoar cih ASEAN ồng Lim Jock Hoi bal mờ kuang bàng ala măt ală lơgar ASEAN, đại sứ, ala măt ală lơgar ASEAN mờ Australia tàm Hà Nội; ală cau jak bơh ală anih lơh broă kơlôi sơnơng tàm kơnhoàl ù tiah do...

Đơs sơnđờm bơyai lơh dơ̆ Tìp măt cribơyai, Bộ trưởng Bộ Ngoại giao lơgar Việt Nam ồng Bùi Thanh Sơn đơs nền, tìp măt cribơyai do là tŭ niam kuơmàng nàng dong Broă lơh tơngume cribơyai tàm dơ̆ pơrjum bè cau ùr, ring lơngai mờ lơngăp lơngai bơh lơh broă bal mờ lơgar Australia, nàng kờñ đơs nền gơnoar broă cau ùr dê. Kờp bơh tŭ dơ̆ Tìp măt cribơyai đah ASEAN mờ Australia dơ̆ dùl bè cau ùr, ring lơngai mờ lơngăp lơngai geh lơh tàm nhai 4 nam 2018 lài do, lơgar Australia neh jơh nùs ngan lơh broă bal mờ ASEAN tàm broă dong tơnguh lơh broă bal tàm ală gah broă lơh do.

 Cau mblàng Lơ Mu K’Yến