VOV4.K’ho-Ngai òr 31/10, tàm [òn dờng Buôn Ma Thuột, Ban lam sồr làng bol Tỉnh ủy Dak Lak pơ gồp bal mờ Ban lam sồr làng bol càr Mondulkiri (lơgar Campuchia) bơyai lơh pơrjum tìp mat lơh quèng bal làng bol, cribơyai mờng chài tàm broă lơh lam sồr làng bol.

Càr Dak Lak lơgar Việt Nam mờ càr Mondulkiri (Campuchia) geh bal gùng nhàr lơgar jòng 73 kơi sồ, mờ yô mpồng nhàr lơgar Dak Ruê- Chi Miết. Tơngai lài, 2 càr neh ki\ hơ uă sră cih kah mờ broă lơh broă bal, cribơyai tàm yal tơngi\t jơnau, lơh geh tơl ală bơta nàng ală gah lơh broă geh gơnoar, anih lơh broă mpồl cau mờ làng bol 2 đah in tìp mat lơh quèng, cribơyai mờng chài bơtàu tơnguh lơh sa, niam chài, mpồl bơtiàn, lơngăp lơngai, sền gàr dà lơgar.

Pơrjum tìp mat lơh quèng bal đah Dak Lak (Việt Nam) mờ Mondulkiri (Campuchia)

Tàm dơ\ pơrjum, ală kuang bàng neh cribơyai mờng chài tàm ală gah broă lơh bè: mblàng yal hòi jà làng bol lơh jat kơrnoat tiah nhàr lơgar, tus bal tam dră rơcang sơndră mờ cau lơh tìs, sền gàr gùng nhàr lơgar, jrong nhàr lơgar; pơgồp bal rơcang sơndră ală cau lơh tìs gan tiah nhàr lơgar; broă lơh lơh oh mi bal đah làng bol 2 đah tiah nhàr lơgar; hòi jà mpồl ơruh pơnu, cau ùr tus bal lơh ală broă lơh dong kờl is tài mpồl bơtiàn, bơtàu tơnguh lơh sa, tơn jơh jơgloh tơrmù r[ah..

Cau mblàng Lơ Mu K’Yến