VOV4.K’ho - Bu\ lah gah lơh ồs đèng sùm lam sồr, yal lài bè bơta ngòt rơngơ\t, geh tu\ lơh sră sồr gơnoar atbồ xã pơgồp bal bơsong, mơya tàm càr Dak Lak gam geh g^t nđờ rơhiang nă cau tìs mờ broă lơh jăt gah gùng che ồs đèng. Cau ai tơng^t jơnau đơs Việt Nam tàm Tây Nguyên geh jơnau yal:

                                Càr Dak Lak gam 88 broă lơh hìu ơm rềp mờ gùng che ồs đèng

Jăt khà kờp bơh Công ty Điện lực Dak Lak bơh bồ nam, tàm càr do geh 114 broă lơh, hìu ơm tìs rềp jăt gah gùng che ồs đèng. Ală broă lơh tìs mìng là tìm sơlo gùt dar `jrong đèng, di lah gơbàn ồs sa bơrtoh ha là gơpa` ồs tàm kàl mìu den ngòt rơngơ\t ngan.

Bơdìh hơ\ tai, broă tìs rềp jăt gah gùng che ồs đèng tàm tiah brê hòn is, suơn cao su, kơphe, tiêu kung geh uă.

                                   Làng bol tam chi tàm tiah gùng che ồs đèng cao áp gam uă

Ồng Bùi Khắc Dũng, atbồ phòng Kỹ thuật An toàn, Công ty Điện lực Dak Lak pà g^t, nam do, gùt càr neh bơsong 26 nă cau gơbàn tìs, mìng là gah ồs đèng rơcang lơh. Khà gam tai geh lơh sră pơyoa tus tơl hìu lơi tìs, mờ sồr gơnoar atbồ [òn lơgar pơgồp bal lơh, mơya tu\ do gam 88 hìu ờ lơh jăt. Bal mờ broă lam sồr, gah lơh ồs đèng kung lơh rơndăp broă tơmù bơta do tàm tơngai tus.

Cau cih mờ yal tơng^t Ndong Brawl