VOV4.K’ho- Dờp jơnau jà bơh ồng Trần Đại Quang, Chủ tịch lơgar Việt Nam dê, ồng Peter Cosgrove Toàn quyền lơgar Australia mờ pơ ùr neh sơnđờm dơ\ lòt còp kấp Dà lơgar tus Việt Nam bơh ngai 23 - 26/5/2018.

Tàm drim ngai òr 24/5, Dơ\ bơyai lơh wa\ rò ngan ngồn Toàn quyền Australia, ồng Peter Cosgrove mờ pơ ùr neh geh lơh tàm Hìu duh broă Chủ tịch lơgar dê jat broă lơh wa\ rò yu\ rơyùm lời ai kuang đơng lam bồ dà lơgar in.

Klo ngai òr, Chủ tịch lơgar mờ pơ ùr neh đơng lam dơ\ yờ sa dờng wa\ rò Toàn quyền Australia, ồng Peter Cosgrove, pơ ùr bal mờ mpồl kuang bàng dờng màng ala mat lơgar Australia.

Đơs tàm dơ\ yờ sa, ồng Trần Đại Quang pin dờn, cồng nha niam bơne\ dơ\ lòt còp lơgar Việt Nam bơh Toàn quyền Australia, ồng Peter Cosgrove dê geh pơgồp bơnah ai bơta gi\t gơ\p Tam klac lơh broă bal jo\ jòng đah Việt Nam mờ Australia bơtàu tơnguh pràn kơldang, cèng wơl ngai sơlơ uă bơta kuơ ngan ngồn ai làng bol 2 lơgar in, mơkung tă pơgồp ai ring lơngai, kơ\ kơl jăp, lơh broă bal mờ bơtàu tơnguh tàm tiah do in.

Cau mblàng Lơ Mu K’Yến