VOV4.K’ho - Drim òr (02/04), Mpồl cau bơsram dờng lơgar Việt Nam ƀòn dờng Cần Thơ bơyai lơh tơlĭk măt Anih dong kờl kơnòm bơsram – Cau bơsram dờng.

Geh lơh tàm hìu sồ 776, gùng 30 nhai 4, sơnah ƀòn Hưng Lợi, quận Ninh Kiều, ƀòn dờng Cần Thơ, Anih do geh dong kờl cau bơsram dờng tìp bal bơsram sră, kơlôi sơnơng khoa học, ngui ală bơta pràn tàm lơgar mờ lơgar bơdìh nàng dong kờl kơnòm bơsram, cau bơsram dờng; ai ală broă lơh drơng ala bơto pơlam, yal broă lơh, ai ală broă lơh ngăc ngar ală công ty, mpồl lơh sa kă bro; bơto pơlam lòt bơsram hờ lơgar bơdìh; bơyai lơh ală broă dong kờl mờ tơnguh bơtàu bơta gĭt wă tàm rài kis ai kơnòm bơsram, cau bơsram dờng in; ală broă bơto bơtê ờs mờng, nùs nhơm niam, rài kis niam...

Tàm dơ̆ tơlĭk măt, Anih do kung neh bơyai lơh kĭ hơ bal mờ dờp dong kờl bơh ală mpồl lơh sa kă bro, công ty dê, tàm hơ̆ geh: 04 khà cau lơh broă nùs nhơm dunia geh 8 rơbô dolar Mỹ mờ 200 account bơsram dà Mỹ bơh App geh khà 40 tơlăk đong...

Cau mblàng Ndong Brawl